စလယ်ဝင် အိုးလေး...

ဖြတ်သန်းခဲ့ကြသော ၈ နှစ်တာ….

            ၁၃.၅.၂၀၀၄… ဆိုတော့… ဒီနေ့ ဆိုပါက ၈နှစ်တာ ဖြတ်သန်းခဲ့ကြပါပြီ။

          ပထမ ၁ နှစ်တာ ကာလကတော့ ကျမတို့ အတွက် နှစ်ယောက်အတူ စတင်ခဲ့ကြသော ဘ၀ခရီး အခြေကျဖို့ အရေး စိတ်နှစ် လုံးပန်းခဲ့ကြရပါသည့် ကာလသာပင်။

          ထိုစဉ်ကတော့ တစ်နေ့ တစ်နေ့ သူ ရုံးက ပြန်ရောက်သည်နှင့် သူက ကျမအကြောင်း စိတ်ဝင်တစား မေးဖြစ်ခဲ့သလို ကျမက သူ့ အလုပ်အကြောင်း သိချင်ခဲ့သမျှ မေးမြန်းခဲ့ကြပါသည်။

          ထို့ နောက်တော့  အချင်းချင်း လိုအပ်တာလေးတွေကို မေးမြန်းပြီး တစ်ယောက်နဲ့ တစ်ယောက် အပြန်အလှန် ဖြည့်ဆည်းပေးခဲ့ကြသည်။ ဒီလိုဖြင့် တစ်နေ့ ပြီး တစ်နေ့ ၊ တစ်နှစ်ပြီး တစ်နှစ်ဖြင့် ၃နှစ်တာ အချိန်တွေ ကုန်ဆုံး ဖြတ်သန်းခဲ့ကြ၏။

          သြော်… ထို ၃နှစ်တာကတော့ မိဘ အသိုင်းအ၀ိုင်းနှင့် ဝေးရာမှာ နှစ်ယောက် တည်းဖြင့် တည်ဆောက်ထားသည်မို့   သူ့ အကြောင်း ကိုယ့်အကြောင်း မေးကြရင်း၊ ပြောကြရင်း၊ တိုင်ပင်ကြရင်း၊ ဆွေးနွေးကြရင်း၊ ငြင်းခုံကြရင်းဖြင့် ကျမတို့  နှစ်ယောက်အကြောင်းလေးများက  ကျမတို့ နှစ်ဦးကြား လွှမ်းခြုံခဲ့ကြသလို သူစားချင်တာလေးချက်ကျွေး၊ ကိုယ်လိုချင်တာလေး သူက ၀ယ်ပေးဖြင့် ရိုးစင်းစွာပင် ဖြတ်သန်းခဲ့ကြ၏။

                   +                                              +                                    +

         

       ၃ နှစ်တာကာလကို ကျော်လို့  ၂၀၀၈ ခုနှစ် နှစ်ကူးစမှာတော့ ကျမတို့ နှစ်ယောက်တည်း ဘ၀အတွင်းသို့ လူသားလေးတစ်ဦး တိုးလာတော့မည်ကို မထင်မှတ် မမျှော်လင့်သေးဆဲအချိန်မှာပင် အံ့သြစွာ သိရှိလိုက်ရပါတော့သည်။

          ဒီလိုဖြင့် ကျမ ရင်သွေးလေးလွယ်ထားချိန်တလျှောက် ကျမတို့ နှစ်ယောက်ကြား သူ့ အကြောင်း ကိုယ့်အကြောင်းလေးများအစား ဦးတည်ရာပြောင်းကာ ပြောဖြစ်ခဲ့ကြသည့် အကြောင်းလေးများလည်း ပြောင်းလဲလာခဲ့ကြပါသည်။

          သူ ရုံးမှ ပြန်ရောက်တိုင်း ကျမကို မေးနေကျ အတိုင်းပင် မေးခဲ့ပါ၏။ သို့ သော် သူမေးခဲ့သည်များက ရောက်လာတော့မည့် လူသားလေးနှင့် ပါတ်သတ်သည့် ကျမအကြောင်းများသာပင်။ ကျမက သူ့ အကြောင်းပြန်မေးခဲ့လျှင်လည်း သူပြောပြခဲ့သည့်  သူ့  အလုပ်အကြောင်းနှင့် သူ့ ခံစားချက်တွေ၊ တွေ့ ကြုံခဲ့ရတာလေးတွေက လွန်ခဲ့သော ၃ နှစ်တာ ကာလက ပြောစဉ်ကလို သာမာန် ခံစားချက်ဖြင့်သာ ပြောတတ်သည်မဟုတ်တော့ပါပဲ ဖခင်တစ်ယောက်ရဲ့ ခံစားချက်လေးများ မသိမသာ ပါလာတတ်ပါတော့သည်။

 မည်သည့်အကြောင်းအရာကိုပြောတိုင်း ရောက်ရှိလာတော့မည့် ရင်သွေးလေးရဲ့  ရှေ့ရေးလေး ပါ  တွဲတွေးကာ အလုပ်အပေါ်ခံယူချက်လေးများ   ပြောင်းလဲပြောဆိုလာတတ်ပါတော့သည်။ ပြောတတ်သည့် စကားလုံးများတွင် ခွန်အားများပါတတ်သလို အဓိကအားဖြင့် တွန်းအားတစ်ခု ရလာသလို ခံစားပြောဆိုတတ်လာ၏။

ကျမအကြောင်း မေးမြန်း၊ ပြောဆို၊ ဂရုစိုက်မှုများကလဲ ကျမတစ်ကိုယ်စာအတွက်သာမကတော့ပဲ ရင်သွေးလေးအတွက်ပါတွေးကာ ဖခင်စိတ်လေး မသိမသာစွက်လို့ တစ်ခါတစ်ရံ စိုးရိမ်စိတ်လေးများလည်း လွှမ်းနေတတ်ပါသေးသည်။ 

     

ထို့ အတူ ကျမကိုယ်တိုင်လည်းပဲ မေးခဲ့သမျှ၊ ပြောခဲ့သမျှ၊ လုပ်ခဲ့သမျှ  အားလုံးသော အကြောင်းအရာများတွင် ကျမတို့ ဘ၀အတွင်း မကြာခင်ရောက်လာတော့မည့် ရင်သွေးလေးနှင့် ပါတ်သတ်နေသည့် မိခင်စိတ်အတွေးလေးများ ပါနေတတ်ပါပြီ။

ဒီလိုဖြင့် သားလေးလူ့ ဘ၀အတွင်းမရောက်လာခင် ကိုးလတာမှာတော့ ကျမရော သူပါ အများအားဖြင့် သားလေးကိုသာ ဦးတည်ခဲ့ကြပြီး သားအတွက်နှင့် ပါတ်သတ်သည်ကိုသာ မေးခဲ့ကြ၊ ပြောခဲ့ကြ၊ ဆွေးနွေးခဲ့ကြ၊ တိုင်ပင်ခဲ့ကြ၊ ငြင်းခုံတတ်ခဲ့ကြပါသည်။

သြော်….နှစ်ယောက်တည်းရှိခဲ့စဉ်က သူနဲ့ ကိုယ် နှစ်ယောက်အကြောင်းဖြင့် လွှမ်းမိုးခဲ့ပေမဲ့လည်း ၃ယောက်ဆိုတာ သိလာတော့ ၃ယောက်လုံး ကိုယ်စီအကြောင်းဆိုတာထက် တစ်ယောက်တည်း အကြောင်းကသာ အဓိက လွှမ်းမိုးခဲ့ပါသည်။ အရာရာတိုင်း သားလေးဆိုတာ ဖြစ်နေတတ်ခဲ့ပါသည်။

ထို ကိုးလတာဖြတ်သန်းမှုကတော့ သာမာန်ထက်လွန်စွာပိုသော စိတ်ခွန်အား၊ လူခွန်အား၊ စိတ်ကူးယဉ်မှုများ၊ မျှော်လင့်ချက်များ၊ ရည်ရွယ်ချက်များ၊ ပြင်ဆင်မှုများ၊ ကြိုတင်ကြည်နှုးရင်ခုန်မှုများဖြင့် ပြည့်ခဲ့ပါသည်။

+                                              +                                              +

၁၁.၁၀.၂၀၀၈၊ စနေနေ့ ။ မနက်အိပ်ရာနိုးချိန်မှစလို့  ည ၇ နာရီ ၅၂ မိနစ်အချိန်အတွင်း စိတ်ခံစား၊လှုပ်ရှားမှုများ၊ ကြုံတွေ့ ခဲ့ရမှုများကိုတော့ ဘယ်လိုမှ ပြန်မပြောတတ်တော့ပါ။ 

ည ၇ နာရီ ၅၂မိနစ်အရောက်…သားလေးငိုသံနှင့် အဖေလုပ်သူရဲ့ မေမေရေ..သားသားကို ကြည့်ပါအုံး..ဆိုသည့် စကားနှစ်ခွန်းကိုသာ မှတ်မိပါတော့သည်။ အဖေလုပ်သူက ဒီစကားလေးဖြင့်  သားလေးကို ကျမတို့ ဘ၀အတွင်း  ကြိုဆိုလိုက်ပါသည်။ ကျမက သားသားလေးရေ…ဟု ခေါ်လိုက်စဉ် အဖေ့ရင်ခွင်အတွင်းမှနေ အငိုခဏရပ်လို့  အမေ့ကို အသံကြားရာ လိုက်ရှာရင်း သားလေးကလည်း အဖေနဲ့ အမေကို နှုတ်ဆက်ခဲ့ပါသည်။ 

၁၁.၁၀.၂၀၀၈၊ ထိုနေ့ ကစလို့  သားသားရယ် ဖေဖေရယ် မေမေ ၃ယောက်တို့ ဖြင့် ၃ယောက်ဘ၀ စခဲ့ကြပါသည်။

ပြောစရာပင် လိုမည်မထင်တော့ပါ။ သားလေး ရောက်လာကတည်းက အခန်းလေးတွင်း သားလေးငိုသံ၊ အဖေရဲ့ သားသားလေးရေ၊ ကောင်းငယ်လေးရေခေါ်သံ၊ အမေလုပ်တဲ့ ကျမရဲ့  သားသားရေ တို့ ဖြင့်သာ လွှမ်းခြုံခဲ့ပါသည်။

နေ့ စဉ်လိုပါပင်။ အဖေလုပ်သူ ရုံးက ပြန်လာသည်နှင့် သားသားရေ..ကစလို့  မေမေက သားသားကို ရေချိုးပေးလား၊ မေမေကြိးရော ချိုးလား၊ မန်မန်းစားလား၊ မေမေကြီးက ဘာနဲ့ စားတာတုံး သားသားရဲ့ ပြောပြပါအုံး၊ သားသားမန်မန်းကရော ကောင်းလား….စသဖြင့် သားကိုသာ ခေါ်၊ သားကိုသာမေး၊ သားကိုသာ ပြောဖြင့် စီစီညံနေတတ်ပါတော့သည်။ ကျမကိုပင် သီးသန့် စကား မဆိုတတ်ခဲ့ပါ။ အရာရာ သားကိုသာ ဦးတည် မေး၊ ပြော၊ ဆိုတတ်လာပါတော့သည်။ 

ကျမတို့နှစ်ယောက် သားလေးအိပ်စဉ် စကားတွေ ဆိုဖြစ်ခဲ့ရင်တော့ ဟိုးအရင် ၃နှစ်တာကလို သာမာန် စား၊သောက်၊ ၀တ်တို့ သာ မဟုတ်တော့ပါ။ သားလေးရှေ့ေ၇းတွေ၊ ဖြစ်ချင်တာတွေ၊ လုပ်ပေးချင်တာတွေ။ မျှော်လင့်ချက်တွေ၊ ကြိုတင်စိတ်ကူး ဆုံးဖြတ်ချက်တွေဖြင့် ပိုလို့ အဓိပါယ်ရှိလာပါသည်။

သားလေး စကားမပြောတတ်ခင် ၂နှစ်အထိကတော့ ဖေဖေ၊ မေမေ အသံတို့ ကသာ သားလေးကို ဦးတည် စကားတွေ ဆိုကြ၇င်း မိသားစုလေး စည်ခဲ့ပါသည်။ သားလေး တစ်လုံးစ ၊ နှစ်လုံးစပြောတတ်ခဲ့တော့ စကားဝိုင်းက ပြောင်းကာ သားလေးက စိုးမိုးလာခဲ့ပါသည်။ သားလေး ပြောတတ်သလို ပြောသမျှကို သဘောကျကာ၊ လိုက်ပြောကာဖြင့် သားကသာ ဦးဆောင်ခဲ့ပါသည်။

          +                                              +                                    +

ဟော…ဖြုန်းဆို ၃ နှစ်ထဲလည်း ရောက်ရော… သားလေးလည်း စကား ကောင်းကောင်း ပြောတတ်လာပါရောလား။ အဲဒီအချိန်ကစလို့ ဖေဖေနဲ့ မေမေမှာ ပြောချိန် မရှိတော့သလောက်ဖြစ်နေပါပြီ။

ညနေ အဖေ ရုံးဆင်းချိန်ကို သားကမျှော်တတ်သလို၊ တံခါးပေါက်မှ အဖေ့ကို မြင်သည်နှင့် အပြေးသွားကာ တစ်နေ့ တာ ဖြတ်သန်းခဲ့သမျှ တရစပ်ပြောပါတော့သည်။ မေမေက မန်မန်းကျွေးတာ၊ ကောင်းတာ မကောင်းတာ၊ ရေချိုးပေးတာ၊ အနာကို ခိုက်မိတာ၊ မုန့် ကို နဲနဲ ပေးတာ၊ ကွန်ပျုတာကို စိတ်ကြိုက် မဆော့ရတာ၊ အရုပ် ကားဘီးပြုတ်လို့ ပြန်တပ်ပေးပါ၊ ကား အသစ်လိုချင်တာ၊ ခု စက်ဘီးသွားစီးမှာ၊ ညကျ စူပါမားကက်ကို ရုပ်ရုပ်သွားဝယ်မှာ၊ နောက်ဆုံးကျ မေမေက သားသားကို ငေါက်တာဗျ..က အစ သူ ပြောချင်၊ လုပ်ချင်တာတွေ ပြော၊ ခိုင်း၊တိုင်တို့ ကိုတစ်ခါတည်း လုပ်တတ်ပါတော့သည်။ 

ဟိုးယခင်ကလို အဖေက မေးစရာ မေးခွန်းမလိုတော့ပါ။ အမေက သတင်းပေးစရာမရှိတော့ပါ။ တစ်နေ့ တာအတွက် အလုံးစုံပါ ပါသည်။

ပြောရုံ၊ ခိုင်းရုံ၊ တိုင်ရုံတော့မဟုတ်ပါ။ ပြော၊ ခိုင်း၊ တိုင် လုပ်ဖို့ မေးခွန်းများကိုလည်း မနားတမ်းမေးတတ်ပါသည်။ သိချင်သမျှမေးလို့ မှတ်နိုင်သမျှမှတ်ထားသဖြင့်လည်း အဖေ၊ အမေတို့ နဲ့ အပြိုင် ပြောနိုင်၊ မေးနိုင်တာ ဖြစ်ပါလိမ့်မည်။

 အမေ့ကို မေးလို့ မရပါက အဖေ့ဆီ ပြေး၊ အဖေ့ဆီက မကျေနပ်ရင် အမေ့ဆီလာဖြင့် မေးခွန်းထုတ်နေတတ်ပါသည်။ အစ တစ်စရပြီးပါက မပြီးတော့ပါ။ ဆက်စပ်ကာ မေးနေသည်မှာ အမေးခံရသူက မဖြေတတ်ချိန်ရောက်တော့ ဘာဖြစ်လို့ မေးတာလဲ..လို့ ပြန်မေး၊ သားက မေးချင်လို့ မေးတာပေါ့..လို့ ပြန်အဖြေ ဘာဖြစ်လို့ မေးချင်ရတာလဲ မေးတော့ မသိလို့ မေးတာပေါ့…လို့ ပြန်ဖြေကာ မရပ်ချင်ရပ်ချင်ဖြင့် ရပ်လိုက်ပါတော့သည်။ 

ခုတော့ အမေရော သားအဖေပါ သားက မေးတာဖြေ၊ သား စားချင်တာ ချက်လို့ သားစားချင်ရာသာ လိုက်စားရ၊ သားလုပ်ချင်တာ လုပ်ပေးရ၊ သားဝတ်ချင်တာ ၀ယ်ပေး၊ ၀တ်ပေးရ၊ သားဆော့ချင်ရင် သူနဲ့ အတူ လိုက်ဆော့ပေးရ၊ သားက စာချခဲ့ရင်လည်းပဲ လက်ကလေးပိုက်လို့ တပည့်လေးလို ကျယ်ကျယ်လောင်လောင်လိုက်ဆိုရ၊ သားက ဖွင့်ဆိုတဲ့ တီဗွီအစီအစဉ်ကို ပဲ ဖွင့်ပေးရ၊ သားကြိုက်တဲ့ ကွန်ပျူတာအခွေတွေပဲ ၀ယ်လို့ ဖွင့်ပေးရ။….. ဘာမဆို သားကသာပဲ ဦးဆောင်နေပါပြီ။

သားလေးမမွေးခင်က ၊ တကယ်တော့ သားလေးမှန်းမသိခင်က သူနဲ့ ကျမ ရန်ဖြစ်ခဲ့ဘူး၏။ သားပဲ လိုချင်သည့် သူက သားမွေးမှ ထိန်းမှာ ပြောသဖြင့် အေး..သမီးဆို လုံးဝလာမထိနဲ့ ၊ မခေါ်နဲ့ အပြိုင်ပြောကြရင်း ၂ ရက် ၃ရက် ကြာ စကားမပြောကြသည်အထိဖြစ်ခဲ့ကြ၏။ တကယ်တမ်း သားရောက်လာတော့ သားအသက် နှစ် နှစ်ကျော်အထိ သားအပေါ်သာ စိတ်တွေ စုပုံရင်း ဘက်ဆိုတာ မေ့နေခဲ့ကြ၏။ ငြိမ်းချမ်းခဲ့ကြ၏။ အရင်က ပြောခဲ့ဘူးတာ ပြန်ပြောင်းသတိရကြရင်း ပြုံးမိကြရုံသာ ရှိခဲ့၏။

ထိုစဉ် နှစ်ယောက်တည်းတုံးက ငြင်းခဲ့ ခုံခဲ့ပါလျှင် သူတစ်ဘက် ကိုယ်တစ်ဘက် နှစ်ဘက်ညီခဲ့ဘူး၏။ သုံးယောက်ဖြစ်လာတော့ သုံးဖွဲ့ တော့ မဖြစ်နိုင်၊ တစ်ယောက်ကတော့ တစ်ဘက်မှ ပါရပါတော့မည်။

ဒီလိုနဲ့ မကြာပါ။ သားလေးအသက် ၃ နှစ်ဆိုတာထဲလည်း ရောက်လာရော အဖွဲ့ နှစ်ဖွဲ့ ကွဲသွားပါပြီ။  အဓိက တရားခံကတော့ ပြောစရာမလိုတဲ့ သားလူလည်ကလေးကြောင့်သာပင်။ လူလည်လေးသားက အဖွဲ့ ဖွဲ့ တတ်နေပါပြီ။ စားချိန်၊ အိပ်ချိန်၊နဲ့ အမေလုပ်ပေးတာကိုပဲ ကြိုက်တဲ့ အခါမျိုးဆို သားက မေမေ့ကို ချစ်တာလုပ်ကာ အမေနဲ့ အဖွဲ့  ဖွဲ့ လိုက်ပါသည်။

ဆော့ချိန်၊ ညနေ စက်ဘီးစီးချိန်၊ တီဗွီကြည့်ချိန်၊ အပြင်သွားချိန်၊ နေရာစိမ်းရောက်ချိန်၊ လူစိမ်းတွေကြားသွားချိန်ဆိုရင်တော့ အဖေကို ချစ်တတ်ကာ ကစားဖေါ်၊ အားကိုးရာအဖြစ် အဖေနဲ့ ဘက် ဖြစ်သွားတတ်ပြန်၏။ တစ်ခါတစ်ရံ အဖေနဲ့ အမေက တစ်ဖွဲ့ လုပ်လိုက်ရင်တော့ ခဏမဆိုင်း အဖေ့ဆီဖြစ်ဖြစ်၊ အမေ့ဆီဖြစ်ဖြစ် ပြုံးစိစိနဲ့ ကပ်ရင်း သားသားက ဖေဖေနဲ့ မေမေ့ကို ချစ်တာလို့  ချွဲတတ်၏။ ဒီလိုနဲ့ သားက လိုအပ်ရာလိုက်လို့ တစ်ယောက်မဟုတ်တစ်ယောက် သူ့  ဘက်ပါအောင် အဖွဲ့ ခွဲ ပစ်လိုက်ပါတော့သည်။

ဒီလိုပုံဖြင့်သာ ခုချိန်မှာတော့ အဖေ့အကြောင်း၊ အမေ့အကြောင်း၊ သားအကြောင်းက မိသားစု သုံးယောက်အတွင်း အချင်းချင်းအပြန်အလှန်ပြောဖြစ်ကြသည်မဟုတ်တော့ပါ။ သားလေးကသာ ပြောသူ။ မေးသူ ၊ ခိုင်းသူအဖြစ်ဖြင့် အစစအရာရာ ရှေ့ဆောင်ဖြစ်နေပါပြီ။

+                                              +                                              +

ကျမတို့ နှစ်ယောက်ထဲရှိစဉ်က ကျမက သူစားချင်တာလေး ချက်ကျွေးလို့ ၊ သူကလည်း ကျမ ကြိုက်တတ်တာလေး ရုံးအပြန်ဝယ်လာလို့ ၊ သူ့ အကြောင်း ကိုယ့်အကြောင်းလေး အပြန်အလှန်ပြောကြလို့ ။

ဟော ဒီလိုနဲ့ ရင်သွေးလေးရောက်နေတာသိလာရချိန်ကျ နှစ်ယောက်လုံးက ခလေးအကြောင်း စိတ်ကူးယဉ်အတွေးလေးတွေနဲ့ သာပဲ ပျော်မွေ့ နေခဲ့ကြရာက…

သားလေး လူ့ ဘ၀ထဲလည်း ရောက်လာရော အဖေနဲ့ အမေနှစ်ယောက်လုံး သားလေးအကြောင်းပဲ မေးဖြစ်၊ ပြောဖြစ်ခဲ့ကြပါရောလား။

အဲ သားလေး ၃နှစ်ကျော်လို့ စကားတွေ ရေရေလည်လည်ပြောတတ်ချန်လည်းရောက်လာရော အဖေနဲ့ အမေပြောစရာမလိုလောက်အောင် တနေ့ တာ ဖြစ်စဉ်တွေကို သားက ပြောပြလို့ ။ ရုံးက ပြန်လာတဲ့ အဖေက မေးစရာမလိုသလို အမေကလည်း သတင်းပေးစရာ၊ မေးစရာမလိုလောက်အောင် သားက ၃ယောက်အကြား သတင်းပေးသူ၊ ယူသူအဖြစ် ဦးဆောင်နေပါပြီ။

အဖေနဲ့ အမေ တစ်ယောက်ယောက်က ဦးဆောင်သူ မဟုတ်တော့။ သားသာလျှင် အရှင်သခင်ဘုရင်။ သားခိုင်းတာ လုပ်ပေးရ၊ ပြောတာ နားထောင်ရ၊ မေးသမျှ ကျေနပ်သည်ထိ အဖြေပေးရ၊ သင်သမျှ တပည့်လေးပမာ လက်လေးပိုက်လို့ နားထောင်ရ၊ လိုက်ဆိုရ၊  စားချင်တာ ချက်ကျွေးရ၊ ၀တ်ချင်တာ ၀တ်ပေးရနဲ့ ၊ အဖေနဲ့ အမေတို့ က သားရဲ့ လိုအင်ဟူသမျှကို ဖြည့်ပေးနေကြရပါပြီ။

          +                                              +                                              +

ဟော…မကြာခင် နှစ်အပိုင်းအခြားအတွင်းမှာတော့…. အဖွားကြီးကျမက အဖိုးကြီး ခံတွင်းတွေ့ မယ် ထင်တာလည်း ကောင်းနိုးရာရာလေးချက်လို့ ၊ အဖိုးကြီးကလည်း အဖွားကြီး ကြိုက်တတ်တာလေးတွေ ၀ယ်လာပေးလို့ ၊ အပြန်အလှန် စေတနာလေးတွေ နှုတ်က ရောထဲ့လို့ တလုပ်တဆုပ် ဖြည်းဖြည်း စားကြရင်း သားလေးငယ်ငယ်ကဆို ဘယ်လို၊ ဒါလေးဆို သိပ်ကြိုက်တာပေါ့…ဆိုတာလေးတွေ အလွမ်းဖြေလေးပြောကြလို့ အဝေးရောက် သားကို သတိရရင်း…. 

အော်…ဒီလိုနဲ့ ပဲ  မကြာခင်နှစ်များအတွင်း ၂ယောက်တစ်ဘ၀ ပြန်ဖြစ်ရပါအုံးမည်….။

အကျင့်

 Image Credit : taramakesstuff.wordpress.com

ကျွန်တော် အကျင့်တခုရလာတယ်။ 

ကျွန်တော်က အရင်က မုန့်ဖိုတခုမှာ အလုပ်လုပ်ခဲ့တယ်။ အလုပ်ဝင်ကာစကတော့ မုန့်ဖုတ်ဆရာရဲ့အကူ။ ၆ လအကျော်မှာ အဲဒီဆရာသမား လခထုတ်ပြီး နောက်တရက် ပေါ်မလာတော့။ ကိုယ့်ကိုယ်ကို မယုံကြည်မှူ့တွေ၊ စိတ်ဖိစီးမှူ့တွေ၊ ပင်ပန်းပြီး စိတ်ဆင်းရဲမှူ့တွေနဲ့ နေ့တွေပဲ။ ပိုင်ရှင်က လစာတိုးပေးပြီး နဲနဲ ကျားကန်ပေးခဲ့ပါရဲ့၊ သိုပေမဲ့ ၀န်နဲ့အားနဲ့ မမျှတော့ တနေ့တာအပြီးမှာ ရှိသမျှခွန်အား ကုန်စင်အောင် ညှစ်ထုတ်ထားခဲ့ရသလိုမျိုး အိမ်ပြန်ချိန်ရောက်တိုင်း ခံစားရတယ်။ ကြမ်းပြင်ဆေးတဲ့ အ၀တ်စုတ်တခုလိုမျိုး။ တနေကုန် ဆေးလိုက်၊ ညှစ်ထုတ်လိုက် နဲ့ အပြီးမှာ ဖွာထွက်နေတဲ့ အစကို တန်းပေါ်ဖြန့်လှမ်းထား၊ နောက်နေ့ ခြောက်သွေ့ပြီး နဲနဲတောင့်တင်းချိန်မှာ အားလုံး အစက ပြန်စ။ 

မိုးလင်းလို့ အလုပ်သွားရတဲ့ အချိန်ကို အကြောက်ဆုံး။ တခါးဖွင့်ဝင်လိုက်တာနဲ့ ပိုင်ရှင့်မျက်နှာက ပြုံးချိုနေပြီး ကောင်လေးရေ ဒီနေ့ မုန့်အော်ဒါတွေ ရှိတယ်ဟေ့လို့ ပြောလိုက်ရင် စိတ်ထဲမှာ ကောင်လေးရေ ဒီနေ့ကတော့ မင်းအတွက် ငရဲနေ့ဟေ့လို့ ကြားလိုက်ရသလိုပဲ။ လအတော်များများ ကြာလာတဲ့အခါမှာတော့ ကျွန်တော်ဟာ လူရော စိတ်ရော လုံးပါးပါးလာပါတော့တယ်။ နေ့စဉ် အလုပ်ထဲမှာ လုပ်နေရမှာမို့ လုပ်နေရတဲ့ ခံစားချက်မဲ့ အလုပ်သမားတယောက်၊ နှေးလို့ရသမျှနှေး၊ အင်နဲ့အား ချွေတာနိုင်သလောက် ချွေတာ၊ တတ်နိုင်သလောက် မစဉ်းစားဖြစ်အောင်နေရင်းနဲ့ပေါ့။

ဒီလိုနေရင်း တနေ့မှာ  တဆစ်ချိုး ပြောင်းလဲစေတဲ့ အချိန်ကို ကျွန်တော်ကြုံလာခဲ့တယ်။ အတွေးတခုကစလာတာ။ ဒီလို အပြောင်းအလဲ ကြုံစေတဲ့ အခိုက်အတန့်မှာ ပေါ်လာတတ်တဲ့အတွေးဟာ တခြားအတွေးတွေနဲ့မတူသလိုပဲ။ သိပ်ပြီး ပီပြင်တယ်၊ ရှင်းလင်းပြတ်သားတယ်၊ အဲ့ဒီ့အတွေးကို လက်လျှော့လိုက်သည်အထိ၊ သို့မဟုတ်လျှင် ဖြေရှင်းနိုင်တဲ့အထိ၊ အဆုံးအထိ မတွေးနိုင်၊ လမ်းမရှာနိုင်သေးသ၍ အကြိမ်ကြိမ် ပြန်ပေါ်လာတတ်တယ်။ 

အဲ့ဒီ့အချိန်မှာ ကျွန်တော်ဟာ Cupcake ဖုတ်ဖို့ မုန့်စပ်ပြီး မွှေစက်အောက်မှာထား၊ မွှေဖို့ အချိန်ကို ချိန်ရာမှာ စိတ်ထဲက သိနေတဲ့ လိုအပ်ချိန်လေးကိုချိန်၊ လှည့်နေတဲ့ဒိုင်ခွက်မှာလက်မရုပ်သေးပဲ ညစ်ချင်တဲ့စိတ်ပေါ်လာပြီး ထပ်ပြီးအချိန်ကိုတင်တယ်။ မကောင်းမှန်းသိနေလို့ လိပ်ပြာမလုံတဲ့စိတ်ဟာ ဖြတ်ခနဲဝင်လာတယ်။ မုန့်ကတော့ ပျက်စရာအကြောင်းမရှိဘူးပေါ့ဗျာ။ ဒါပေမဲ့ အလုပ်ချိန် ဖြုန်းတာတော့ ကိုယ့်ဘာသာကို သိနေတာပဲ။ မိနစ်အနည်းငယ်ဆိုပေမဲ့ ညာတာက ညာတာပဲ။ နောက် အဲဒီ့ မလုံမလဲစိတ်နဲ့ပဲ မလှမ်းမကမ်းမှာရှိနေတဲ့ ပေါင်မုန့် အတွက်နှပ်ထားတဲ့ ဂျုံလုံးကြီးဆီကို တလှမ်းချင်းသွားခဲ့တယ်။ 

ကျွန်တော်တို့ဆီမှာ သုံးတဲ့ တဆေး ( yeast ) တွေက နဲနဲအပွင့်ကြမ်းတယ်၊ ကြီးတယ်။ ဒီတော့ ဂျုံမှုန့်နဲ့ မနယ်ခင် ရေကြက်သီးနွေးနဲ့ ဖျော်ထား၊ ပွထနေမှ စပ်ပေမဲ့၊ ဂျုံသားနဲ့ပါ ကောင်းကောင်းပေါင်းစပ်ဖို့ အချိန်ပေးရသေးတယ်။ မီးဖိုနဲ့ မလှမ်းမကမ်းမှာ ခပ်နွေးနွေး ထားပြီး မကြာခင် ဂျုံလုံးဟာ တဖြေးဖြေး ဖေါင်းပြီး ကြီးလာတယ်။ လုပ်နေကြဆိုတော့ ဘယ်အရွယ်ရောက်လာရင် အိုကေပြီတာ သိနေတာပေါ့။ အခုလဲ ဒီဂျုံလုံးဟာ အဆင်သင့်နေပြီ။ နဲနဲထပ်နယ်၊ ပြီးရင် သင့်တော်သလောက်အရွယ်လေးတွေခွဲ၊ ဖုတ်လိုက်လျှင် ပေါင်မုန့်အတွက် ပြီးပြီ။ စိတ်ထဲက အချိန်တွေကို တွက်ကြည့်တယ်။

အခုနက Cupcake ရယ်၊ ပေါင်မုန့်ရယ်။ ကိတ်က ဖုတ်လျှင် မီးအပူချိန်ပြင်းပြင်း၊ အချိန်တိုတို၊ ပေါင်မုန့်က အချိန်ကြာကြာ၊ မီးအေးအေး။ ဒီတော့ ပေါင်မုန့်စဖုတ်လိုက်ရင် Cupcake ကို အိုဗင်နဲ့ အလီလီခွဲဖုတ်ရတော့မယ်။ မီးတင်ထားပြီး Cupcake ကိုစဖုတ်ရင် ဒီမီးဖိုနဲ့ဆို တကြိမ်ထဲနဲ့ပြီးမယ်။ အလုပ်သက်သာမယ်၊ နောက် ပြီးရင် မီးအားလျှော့သွားသည်အထိ စိတ်အေးလက်အေး စောင့်ရမယ်။ ပြီးရင်ပေါင်မုန့်ဖုတ်။ အားလုံးဟာ ကျွန်တော့အတွက် သက်သာစေတဲ့လမ်း။ အလုပ်အတွက်ကတော့ မတွင်ကျယ်ဆုံးသောလမ်း။ 

ဒီတော့ မီးဖိုဆီသွားပြီး မီးအားကို တင်လိုက်ပါတယ်။ နောက် အသင့်ဖြစ်နေတဲ့ ဂျုံလုံးဆီသွားပြီး အရွယ်အစားလျှော့သွားအောင် နောက်ဖက်တနေရာမှာ မုန့်လုံးကို လက်ညှိုးနဲ့ အသာထိုးလိုက်ပါတယ်။ ရှူးဆိုတဲ့ အသံတိုးတိုးလေးနဲ့အတူ လေလျှော့လိုက်တဲ့ တာယာတခုလို ဂျုံလုံးဟာ အရွယ်အစား ကျုံ့သွားပါတယ်။ တဖြေးဖြေးတော့ ပြန်ဖေါင်းလာမှာပါပဲ။ အချိန်တော့ ယူပါလိမ့်အုံးမည်။ ကျွန်တော့အတွက် စိတ်ချရအောင် လုပ်ခြင်းမျှသာ။ တကယ်လို့ ပိုင်ရှင် ၀င်လာခဲ့ရင်။ ဒီဂျုံလုံး အဆင်သင့်မဖြစ်သေးချိန်မှာ Cupcake ကိုအမြန်ပြီးအောင် ဖုတ်လိုက်သည်ဆိုလျှင် သူကျေးဇူးတောင် တင်သွားနိုင်သေးသည်ပဲ။ 

အခုနကပြောတဲ့ ပြောင်းလဲစေတဲ့အတွေးဆိုတာ အဲဒီ့အချိန်လေးမှာပေါ်လာတာ။ မလုံမလဲဖြစ်နေတဲ့ စိတ်ကို အခြေခံပြီးပေါ်လာတာ။ အတွေးကတော့ တိုတယ်၊ ရှင်းတယ်၊ ပြတ်သားနေတယ်။ ငါဒီလိုဆက်နေလို့ မဖြစ်တော့ဘူးဆိုတာပဲ။ ဖြုန်းတီးနေတဲ့ အချိန်တွေ၊ လျှော့ပါးနေတဲ့ ကိုယ်စွမ်းကိုယ်စတွေ၊ လိပ်ပြာမလုံတာတွေ၊ အဓိပ္ပါယ်မဲ့၊ အနှစ်သာရမဲ့ ဖြစ်နေမှူ့တွေ အားလုံးကို အခြေခံပြီးပေါ်လာခဲ့တာ။ တနေကုန် ထပ်တလဲလဲ တွေးနေတာ ညနေ အိမ်ပြန်ချိန်အထိ အဲဒီ့အတွေးဟာ ပျောက်ပျယ်မသွား။

ညပိုင်း စားသောက်အပြီးမှာတော့ ကျွန်တော်ဆုံးဖြတ်လိုက်တယ်။ စိတ်အနှောက်အယှက်ပေးနေတဲ့ ဒီအတွေးကို အပြတ်ဖြတ်မှဖြစ်တော့မယ်။ ဒီတော့ ပထမဆုံး ထွက်ပေါက်ရှာတယ်။ ဒီအလုပ်ကထွက်၊ နောက်အလုပ်တခုကိုရှာ။ သို့ပေမဲ့ တွေးလို့ရတာက ဒီမှာတင်ဆုံးသွားတယ်။ ဘာအလုပ်လုပ်ရမလဲ၊ မသေချာ။ ဒီအလုပ်ကိုဆက်လုပ်နေရမှာကတော့ အနည်းနှင့် အများသေချာနေပါတယ်။ 

ဒီတော့ နောက်နေ့ အလုပ်ပြန်သွား၊ အဲဒီ့အချိန်ကစ အလုပ်မှာ စိတ်ပါလက်ပါလုပ်တော့မယ်လို့တွေးမိတယ်။ သို့သော် ဘယ်လောက်အထိ စိတ်ချနိုင်မလဲ။ မသေချာသေး။ ဒီအဖြစ်ဟာ တဖန်ပြန်လည်လာဖို့ အခွင့်အများကြီးသာနေတယ်။ ဒီတော့ ဘာလုပ်ကြမလဲ။ မလျှော့မတင်းစိတ်က နဲနဲဆက်လုပ်၊ ပြီးလျှင် တိုးတက်ရာတိုးတက်ကြောင့်ရှာပေါ့။ ဒီလိုတွေးတော့လဲ တိုးတက်ဖို့ဆိုတာက နောက်ဆုံး ကိုယ်ပိုင် မုန့်ဖိုထောင်ဖို့ပဲရှိတော့တယ်။ တခြားဘာမှ မယ်မယ်ရာရာမလုပ်တတ်သေး။ 

ဒီမှာ ဖြတ်ကနဲ စိတ်ထဲဝင်လာတာကတော့ ကိုယ့်နိုင်ငံ ကိုယ့်မြို့မှာ မုန့်ဖိုထောင်ဖို့။ လုံးလည်ချာလည်လိုက်နေတဲ့ အတွေးတွေဟာ ထွက်ပေါက်တခုရသလို အရှိန်အဟုန် ပြင်းပြင်းနဲ့အဲဒီ့အတွေးလမ်းကြောင်းပေါ်စ ဦးတည်တယ်။ ကျွန်တော် စိတ်လှုပ်ရှားလာတယ်။ ဖြတ်ကနဲ စာရွက်ရယ် ဘောပင်ရယ်ကောက်ယူပြီး လက်တွေ့ကျကျ စတွက်တယ်။

ဒါဟာတကယ် ဖြစ်နိုင်နေတယ်။  ယခုလက်ရှိအိမ်နေရာဟာ ဆိုင်ဖွင့်ဖို့မသင့်တော့်၊ ဒီတော့ ဆိုင်ဖွင့်လို့ရတဲ့နေရာမှာ မုန့်ဖိုတခုတည်လို့ရမဲ့ မြေနေရာအတော်လောက် ရဲ့ဈေးခန့်မှန်းကို ခန့်မှန်းပြီး ချရေး။ နောက် ပစ္စည်းတွေ။ ဖြစ်နိုင်တာပဲတွေး၊ ခန့်မှန်းခြေတွေပေါင်း။ ကုန်ကျစားရိတ်တွေပေါင်း၊ ပြီးတော့ လက်ရှိအိမ်လေး စိတ်ကူးနှင့်ရောင်းကာ ငွေဖြည့်ကြည့်။ အသားတင်လိုငွေ ထွက်လာသည်။ ဒါကို လက်ရှိ စုဆောင်းနိုင်တဲ့ ငွေနှင့် ဆ ကြည့်ရာ နှစ်အနည်းငယ်ပေါ်လာသည်။ 

ဆောက်တည်ရာသွားရသလို ပျော်တဲ့စိတ်ပါဝင်လာသည်။ သည်တော့ နှစ်အနည်းငယ်လုပ်နေတုန်း ပိုက်ဆံအပြင် ကိုယ့်ဖက်က ဘာတွေဖြည့်ဆည်းထားဖို့လိုမယ်ဆိုတာပါတွေးကြည့်သည်။ ဒီမှာက ဒစ်ဂျစ်တယ် ကမ္ဘာ၊ ဟိုမှာက အရာရာက လက်ဆ။ ဒီတော့ ကိုယ့်ကိုကိုယ် လေ့ကျင့်ရတော့မည်။

နောက်နေ့ကစပြီး ဒီမုန့်ဖုတ်ဖိုဟာ စိတ်ဝင်စားစရာ လေ့ကျင့်သင်ကြားစရာ စာမျက်နှာသစ်တခု။ ရောသည့် စပ်သည့် အခါတိုင်း ချိန်ခွက်၊ အလေးချိန်တိုင်းတာစက်ပေါ်မှာ အတိအကျ ချိန်ပြီးသည်နှင့် အိမ်မှာရနိုင်သော ခွက်နှင့် ပြန်တိုင်းထည့်သည့်အခါထည့်သည်။ လက်နှင့် ပြန်ဆကြည့်တဲ့အခါ ဆကြည့်သည်။ အကြိမ်တိုင်း မပျက်မကွက် အတိုင်းအဆတို့ကို မှတ်နေသည်။ ထို့အတူ အပူချိန်ကိုလဲ ချိန်ညှိပြီးသည်နှင့်  မီးဖိုနား ကပ်သွားခါ လူကိုလာဟပ်သော အပူချိန်ကို စိတ်ထဲ မှတ်မိနေအောင် မှတ်နေသည်။ အလုပ်တွေ ဇယ်ဆက်နေသလို လုပ်ရင်းက စိတ်ထဲမှာ ဖြူစင်စွာ၊ လိပ်ပြာလုံစွာ၊ တက်ကြွစွာ၊ အေးချမ်းစွာ။ တဖက်ကလဲ ရနိုင်သလောက် မျှော်မှန်းချက်ကြီးစွာ စုဆောင်းနေသည်။ 

၁နှစ်က ၂ နှစ်ကြာလာတော့ ကျွန်တော် ဂဏန်းတွေ၊ ချိန်ခွက်တွေနဲ့ ကင်းလွတ်လာသည်။ အချိန်အဆ မှန်ကန်စွာ၊ စိတ်ထဲမှ မှတ်မိနေစွာ၊ အရာရာအသားကျသွားပြီ။ ခန့်မှန်းချက်၊ အတိုင်းအဆ နှင့် ရလာမည့်အရသာတို့ တသားထဲ။ ဆားခွက်မှ ဆားပွင့်တွေခပ်လိုက်လျှင်ပဲ မုန့်မှာပေါ်လာမည့် အရသာကိုပါ ခံစားမိနေသလိုလို။ အရင်က ပြောခဲ့တဲ့ ကျွန်တော် အကျင့်တခု ရလာသည်ဆိုတာက  ဒီလိုလုပ်နေရင်းကရလာတာ။

အကျင့်ဆိုတာကဗျာ၊ မုန့်ဖိုထဲက မုန့်ဗန်းထုတ်လိုက်တာနဲ့ ဘယ်မုန့်မှာဘာလိုတယ် ပိုတယ်ဆိုတာ ခန့်မှန်းကြည့်တတ်တဲ့အကျင့်။ ဆိုဒါနဲသလား၊ မီးနဲလို့၊ အပူအညီအမျှမရလို့ ဒီတလုံး ဟိုတလုံး အရောင်မလှသလား ဆိုတာကအစ မုန့်လေးတွေ တခုစီကို ခန့်မှန်းတွက်ကြည့်တတ်တဲ့အကျင့်။ အစောပိုင်းမှာ မသင်္ကာတဲ့ တလုံးတလေ ဖဲ့မြည်းကြည့်ခဲ့ရပေမဲ့ နောက်ပိုင်းမှာ မြင်တာနဲ့တင် သိလာတယ်။ မပျက်မကွက်လုပ်နေရာက ပေါ်လာတဲ့အကျင့်။

ပြောရရင်ပေါ့ဗျာ။ စီးပွားပျက်ကပ်ဖြစ်လာတော့ ကျွန်တော့်သဌေးလဲ ဘာအသားနဲ့ထုထားတာမို့လဲ။ သူလဲ ပြာတာပေါ့ဗျာ။  အားလုံးထဲမှာ လစာအများဆုံးက ကျွန်တော်။ ဒီတော့ အလုပ်ကနားရဖို့အကြောင်းဖန်လာတယ်။ မှန်းထားတဲ့အတိုင်း ပြန်ပြီးအလုပ်စကြဖို့က ဖြစ်နိုင်နေပြီ။ ဒါနဲ့ အိမ်ကို အကျိုးအကြောင်းလှမ်းပြောတော့ သူတို့နဲနဲစဉ်းစားနေကြတယ်။ ကျွန်တော်လဲ တွေဝေချင်တယ်။ လက်ရှိလေးရောင်းရမဲ့အနေအထားဆိုတော့ ၀ယ်ဖို့တဖက် သေချာမှ စချင်တယ်။ လက်မဲ့မဖြစ်လို။ ဒီတော့ သေချာအောင် စီစဉ်ခိုင်းထားပြီး ဒီလို စောင့်နေရမဲ့အချိန်မှာ မနစ်နာရအောင် တခြားအလုပ်တခု အပူတပြင်းရှာတယ်။ စားရိတ်ကြေပြီး နဲနဲမြတ်ရင်ကို တော်ပါပြီ။

ကံကောင်းချင်တော့ သင်္ဘောကျင်းတခုမှာ လုံခြုံရေးဝန်ထမ်းအလုပ်ကို ရလာတယ်။ ထုံးစံအတိုင်း ဒီအလုပ်က ဘာများ အကျိုးရှိအောင် လုပ်နိုင်မလဲ ကြည့်တော့ လူတွေပဲရှိတော့ လူတွေအကြောင်း သိအောင် ကြိုးစားကြည့်မယ်ပေါ့။ ထူးတယ်ဗျ။ လူတွေရဲ့စိတ်တွေက။ လုံခြုံရေးဝန်ထမ်း ဆိုတာနဲ့ သူတို့ဘာလုပ်ဖို့ ခန့်ထားတယ်ဆိုတာထက် သက်သက် ကြပ်ဖို့ လူဖြစ်နေတဲ့သူတွေလို့ ထင်နေသူက များတယ်။

ကျွန်တော် အမြဲတာဝန်ကျတာက ဂိတ်မှာမဟုတ်ဖူး၊ ပြင်ဖို့ ဒေါက်တင်ထားတဲ့ သင်္ဘောကြီးတက်ဖို့ လှေခါးအရင်းမှာ။ သင်္ဘောတွေက ရေနံတွေ သဘာဝဓါတ်ငွေ့တွေ တင်ပို့လေ့ရှိတဲ့ သင်္ဘောတွေဆိုတော့ ပြင်တဲ့နေရာမှာ အန်မတန်အန္တရယ်များတယ်ဗျ။ ဒီအလုပ်မစခင် သင်တန်းပေးတော့ ပေါက်ကွဲပျက်စီးပြီး မမြင်ဝံ့စရာပုံတွေ လို့ပဲဆိုပါတော့။ အဲဒီ့ပုံတွေကို ဆလိုက်ထိုးပြဖူးတယ်။ ဘာမဟုတ်တဲ့  မီးပွားသေးသေးကစတဲ့ ပေါက်ကွဲမှူ့တွေ။ ဒါတွေကြည့်ပြီး ဒီနေရာမှာ လုပ်ရတာတောင် အတော်လန့်တယ်ဗျ။ သဘောင်္ပေါ်မှာ လုံခြုံရေးအဖွဲ့တွေက လိုက်ကြပ်မှတ်နေတယ်ဆိုပေမဲ့ ဒီလူတွေက မိပေါင်းသားတွေကိုးဗျ။ 

ကျွန်တော့တာဝန်က မီးပွားဖြစ်စေတဲ့ ကိရိယာတွေနဲ့လာရင် ဘယ်နေရာမှာလုပ်မှာလဲ၊ ခွင့်ပြုပြီးသားအလုပ်လား စစ်ကြည့်ရတယ်ဗျ။ နောက် တချိန်လုံးစောင့်ကြည့်နေမဲ့ လုံခြုံရေးဝန်ထမ်းကရော အသင့်ဖြစ်နေပြီလား စစ်ရတယ်။ နောက် သင်္ဘောပေါ်တက်သွားသူတွေ စိုက်ထိုးထားခဲ့တဲ့ မှတ်ပုံတင်ကဒ်လေးတွေ အခြေအနေကို ကြည့်ရသေးတယ်။ လှေခါးပေါ်တက်ခါနီး နာမည်ရယ် ဓါတ်ပုံလေးရယ်ပါတဲ့ ကဒ်လေးတွေထိုးပြီးတက်၊ နောက် ပြန်ဆင်းလာရင် ပြန်ဖြုတ်ယူသွားကြရတာ။

တဦးတယောက် ကဒ်လေးများ ပြန်ယူသွားဖို့မေ့လို့ဖြစ်ဖြစ်၊ ပြန်ဆင်းမလာတာ ကြာရင်ဖြစ်ဖြစ် ကျွန်တော့မှာ စိတ်ပူနေရပြီ။ ၁၀ နာရီကျော်ရင် သတင်းပို့ရပါတော့မယ်။ အသက်အန္တတခုခု ကြုံနေနိုင်ပြီလို့ ယူဆရပါတော့မယ်။ အံ့သြစရာကောင်းတာက ဒီလူတွေက အဲဒီ့လိုမတွေးကြဖူးဗျ။ သက်သက်ရစ်တယ်လို့ ထင်နေသူကများတယ်။ ကျွန်တော် သူတို့အတွေးကိ်ု မျက်နှာပေါ်မှာ အတိုင်းသားမြင်နေရတယ်ဗျ။ ထားပါလေ။

အကျင့် .. အခုနက အကျင့်က ဒီနေရာမှာ ပြန်ပေါ်လာတာက တမျိုးဗျ။ လူတွေသင်္ဘောပေါ်တက်မသွားချင် အကျင့်အရ မသိစိတ်နဲ့ သေသေချာချာကြည့်နေမိတယ်။ နောက် စိတ်ထဲမှာဗျာ.. ပြောရရင်တော့မကောင်းပါဘူး။ ဒီသင်္ဘောပေါ်တုံဆိုင်းတုံ့ဆိုင်းနဲ့ တက်သွားတာကို ကြည့်ရင်း မီးဖိုထဲ ဗန်းလေးတွေ ၀င်သွားတဲ့ပုံမျိုးမြင်နေတယ်။ နောက် အချိန်ကို ၈ နာရီချိန်လိုက်တယ်ဗျာ။ အချိန်စေ့သွားတော့ တန်းစီပြီးထွက်လာကြတယ်။ အကြမ်းအားဖြင့် ပင်ပန်းနွမ်းနယ်နေတာ၊ စိတ်လွတ်လပ်သွားတာတွေက ဆင်တယ်ဆိုပေမဲ့ မျက်နှာပေါ်က စိတ်ခံစားချက်တွေရဲ့ ပုံတွေကမတူကြဘူးဗျ။ ဘယ်လိုမှ မှန်းမရ။ အနည်းဆုံး တယောက်ချင်းတောင် တနေ့နဲ့တနေ့ တူမနေဘူး။

ပြောရရင် လူတွေရဲ့ ခံစားချက်နဲ့ တုန့်ပြန်စိတ်လေးတွေက သိပ် Sensitive ဖြစ်လွန်းတယ်ထင်တယ်။ ( ကိတ်မှုန့်စကားနဲ့ ဆိုရင် စိတ်ထဲက ဆိုဒါတို့ တဆေးတို့ပေါ့ဗျာ )။ အေးတယ်ထင်တဲ့သူတွေ တခါတလေ ဒေါသတကြီးဆင်းလာတဲ့ပုံများဗျာ ကျွန်တော့မှာ ကောင်းသောညနေခင်းတောင် မပြောရဲအောင်ပဲ။ တဦးစီ တဦးစီကို အချိန်လိုက် ပြောင်းလဲသွားတာ ဘယ်လိုမှ မမှန်းနိုင်အောင်ပဲ။ လေလေးတချွှန်ချွှန်နဲ့ ဟန်ကျပန်ကျ ဆင်းလာသူကို  ဒီနေက အလုပ်ဟန်ကျလာတယ်ထင်ပါ့လို့ သွားပြောမိတာ မင်းအလုပ်မဟုတ်ဖူးလို့ ပက်ခနဲ ပြောသွားတာလဲ ကြုံဖူးသေးတယ်။ သင်္ဘောပေါ် ဒေါသတကြီး တက်သွားသူတချို့လဲ ပြန်ဆင်းလာရင် ( အိပ်လာတယ်တောင်ထင်ရတယ် ) မျက်နှာက ပြည့်လာပြီး ကြည်ကြည်လင်လင်။

ဒီအကျင့်ကတော့ဗျာ စွန့်ရင်စွန့်၊ မစွန့်လို့ ကြာရင် လူတွေအကြောင်း နောကြေရင် ကြေ၊ မကြေရင်တော့ ရူးသွားနိုင်မလားပဲ…

မသိနိုင်သော..

               တိတ်ဆိတ်နေသောအခန်းတခု။ ကျွန်တော်ရယ်၊ ဗေဒင်ဆရာရယ် ၊ ဆံပင်ညှပ်သမားရယ်၊ သုံးဦးသား ငြိမ်ငြိမ်သက်သက်..

                ဗေဒင်ဆရာ ပင့်သက်တခု ခပ်ဖွဖွချပြီး စကားစပြောသည်။ မရှေးမနှောင်း သူ့လက်မှကိုင်ထားတဲ့ ဘောပင်နဲ့ တစုံတခု စဆွဲသည်။ ဘောပင်စဆွဲရာနေရာသို့ တဖန်ပြန်ရောက်လာလျှင် ပုံတခုပေါ်လာမည်။ စက်ဝိုင်းလည်းဖြစ်နိုင်သလို လေးထောင့်လဲဖြစ်နေနိုင်သည်။ အဲဒီ့အခိုက်အတန့်နောက်မှာတော့ ကျွန်တော်ဟာ တစတစ ပျောက်ကွယ် သွားပါတော့မည်။

( Image Credit : ကိုအရိပ် )

ဗေဒင်ဆရာ..

                မြို့ကလေးကသေးတော့ သူ့အတွက် ကြားနေတာ မြင်နေတာတွေက များလှသည်။ သူကိုယ်တိုင်လဲ ဒီအလုပ်ကို မြတ်နိုးသည်။ လူတွေကို အမြင်မတော်တာတွေမလုပ်ဖို့၊ သူ့တို့ဘ၀တွေကို ဖြောင့်တန်းမှန်ကန်နေစေဖို့ ထိမ်းကြောင်းပေးနေရသော ပဲ့ကိုင်ရှင်တယောက်အဖြစ် သူ့ကိုသူ ၀မ်းသာဂုဏ်ယူနေတတ်သူ။ စိတ်လွတ်လက်လွတ်ရှိနေချိန်ဆို လူတယောက်ရဲ့အတင်းကို မျက်နှာချင်းဆိုင် သက်တောင့်သက်သာ ပြောခွင့်သည် သူ့မှာပဲရှိသည်ဟု စိတ်ချရင်းနှီးသူတချို့အား ပြောပြတတ်တယ်။

              လူဦးရေနည်းသော နေရာဆိုတော့ အစပိုင်းမဆိုးလှပေမဲ့ တဖြေးဖြေးနဲ့ လာမေးသူ ပါးလာသည်။ အခက်အခဲတခုကြောင့်ဖြစ်စေ၊ တခုခု ဇဝေဇ၀ါဖြစ်လာလို့ဖြစ်စေ သူ့ဆီရောက်လာတတ်သူများနှင့် ရောင်းလိုက်ဝယ်လိုက် ပွဲစားတယောက်နှစ်ယောက်မှအပ တခြားသူများ သူ့ဆိုင်ဖက် ခြေဦးမလှည့်လာကြတော။ အဆင်မပြေတော့ စိတ်အလိုမကျမှူ့လေးတွေ ပေါ်လာသည်။ ဒီတော့ သာမန် အဆင်ချောနေကြသူများအား မုန်းမိချင်လာသည်။ လက်တကမ်းမှတိုးတက်မှူ့ အခွင့်အလမ်းများကို မျက်နှာလွဲချင်ကြသူများ၊ မိုးပြိုမှာ မကြောက်တတ်ကြသူများလို့ မြင်လာသည်။

              ထို့အတူ လာမေးရင်း တနှစ်စာမျှ ကြိုတွက်ပေးသည်ကို မတင်းတိမ်ပဲ အသက်ဘယ်နှနှစ်လောက်အထိ ကောင်းမှာလဲ၊ ဆိုးနေမှာလဲဆိုတဲ့ မေးခွန်းတွေကိုလဲ သူ မုန်းလာသည်။ မုန့်ဟင်းခါးဆိုင်မှာ ဟင်းရေလိုက်ပွဲတောင်းသည့်ပမာ။ နှုတ်မှ လွယ်လွယ်ကူကူ ထွက်ကျလာတတ်သော မေးခွန်းတခု။ သူက နောက် ၃ နှစ်လောက် သေချာပေါက် ကောင်းနေပါသည် ပြောကြည့်ပါ့လား၊ အဲ့ဒီလူ နောက် ၃ နှစ်ကုန်သွားသည်အထိ ပြန်မလာမှာ မြေကြီးလက်ခတ်မလွဲ။ အကယ်၍ မတင်မကျဖြေလျှင်လဲ မတတ်ပါဘူးအထင်ခံရကာ နစ်နာရအုံးမည်။ တိုက်ရိုက်ဖြစ်စေ သွယ်ဝိုက်ကာဖြစ်စေ နစ်နာစေမည့်မေးခွန်းတခုလို့ သူ ခံစားရသည်။ မမေးပဲလဲမနေကြ။ သို့နှင့် ဗေဒင်မေးသူတယောက်လာတိုင်း ဒီမေးခွန်းကို သိသိကြီးနှင့်စောင့်ကာ ဟောနေရသလို။

              ဒီတော့.. စိတ်ထွေနေသူတယောက်ထုံးစံအတိုင်း တွက်အပြီး စဟောချိန်မှာ ပါးစပ်ကဟောရင်း၊ လက်ကကိုင်ထားသောဘောပင်နှင့် စာရွက်အောက်ခြေ နေရာလွတ်ကလေးမှာ ပုံစံတခုခု မသိစိတ်နှင့် ရေးခြစ်နေတဲ့ အကျင့်တခုရလာသည်။ တခါတလေ စက်ဝိုင်းလေးတခုကို အထပ်ထပ်ဆွဲနေမိသလို တခါတရံ လေးထောင့်ပုံ စသည်ဖြင့်။ တကယ်တော့ ထိုပုံလေးတွေဟာ လာမေးသူ၊ ဗေဒင်ပညာ၊ အကြားအမြင် စသည်တို့နှင့် ပတ်သက်နေစရာအကြောင်းမရှိ၊ သို့သော် ပတ်သက်ဆက်နွယ်နေအောင် လုပ်မည့်သူတယောက် ပေါ်လာသည်။ ထိုသူကား ဗေဒင်ဆရာဟောခန်းလေးနှင့် ကပ်လျှက်ဆိုင်ကသူ။

ဆံပင်ညှပ်သမား..

               သူကား ဗေဒင်ဆရာနှင့်ဆန့်ကျင်ဖက် လုပ်ငန်းသဘာဝပိုင်ဆိုင်သူ။ လူတွေ ပုံမှန် ဆံပင်ရှည်နေလေ အနပ်မှန်နေလေ၊ ပုံမှန်အလုပ်။ ဆန္ဒနည်းနေစေသလို ပူပန်မှူ့လဲမရှိစေတော့ အမြဲပေါ့ပါးသွက်လက်နေသူ။ သူ့အဖို့ ငွေဆိုသည်မှာ အရုပ်လေးများပါသော စာရွက်တရွက်၊ ထိုစာရွက်လေးကြောင့် အစားအသောက်လိုလျှင် တဦးနှင့်တဦး တိုက်ခိုက်နေရဖို့မလိုတော့။ ဤသည်သာ သူ့ရဲ့ စီးပွားရေးအမြင်။ ထို့ကြောင့် အမြဲ အနှောင်အဖွဲကင်းစွာ စကားတအေးအေးနှင့်။ လာညှပ်သူကို မေးလဲမေး ပြောလဲပြော။ဒီလိုနဲ့ ရပ်အကြောင်း၊ ရွာအကြောင်းမှအစ ပါးစပ် ဗဟုသုတပေါင်းများစွာ ခြင်းကြားနှင့်တိုက်ယူနေသူ။ တဖြေးဖြေး သူ့ကိုယ်သူ ဘက်စုံနှံ့စပ်ကျင်လည်သူတဦး အဖြစ်မြင်ယောင်လာသည်။

              တနေ့မှာ ဗေဒင်မေးပြီး သူ့ရဲ့ဆံပင်ညှပ်ဆိုင်ဖက် ကူးလာတဲ့ ပွဲစားတယောက် တွက်ထားတဲ့စာရွက်လေးကို အိပ်ကပ်ထဲ တရိုတသေ ခေါက်ထည့်လိုက်တာ သတိထားမိသည်။ သို့နှင် စကားစကြည့်တော့ လတ်တလော လက်ထဲသောင်တင်နေသည့် ကားတစင်းထွက်စေချင်လို့ သွားမေးတာမှန်းသိလာပါသည်။ ဟောထားတဲ့ စာရွက်လေးကိုပါ တောင်းအကြည့်၊ စာရွက်အောက်ခြေ ထောင့်ကလေးက ဗေဒင်ဆရာအထပ်ထပ်ခြစ်ထားတဲ့ စက်ဝိုင်းလေးတွေ့တော့ သူမျက်မှောင်ကုတ်မိသွားသည်။ သူရဲ့ တတိုတစ သိထားတဲ့ တွက်ကိန်းတွေထဲမှာ စက်ဝိုင်းမျိုးမပါ။ ဗေဒင်ပညာနှင့် မပတ်သက်မှန်းကို သူသေချာသိနေပါသည်။

               လျှပ်တပြက် ခေါင်းထဲဝင်လာတဲ့ အတွေးနဲ့ ဒီဗေဒင်ဆရာ တကယ့်ဆရာဗျ၊ အကြားအမြင်ရနေပုံရတယ်။ ခင်ဗျားက ငွေနံသမား။ ဒီတော့ ငွေမြဲနေမဲ့သူဆိုတာ ဒီစက်ဝိုင်းလေးက ညွှန်းနေတာဗျလို့ ပြောတော့ ပွဲစားလဲ သဘောတွေကျပြီး လေပေးဖြောင့်သွားတာပေါ့။ ဆံပင်ညှပ်တဲ့သူက နောက်ပိုင်း ကြုံတဲ့သူမှန်သမျှ အသစ်အဆန်းဖြစ်နေတဲ့ အဲဒီ့ စက်ဝိုင်းလေးအကြောင်းပြောတော့တာပဲ။ ဒီတော့ တဖြေးဖြေးနဲ့ လူတွေစိတ်ဝင်စားလာကြတယ်။ ပွဲစားနဲ့ မဆင်မသင့်တဲ့သူတွေဆိုရင် နဲနဲ ဇာတ်လမ်းလှည့်ပြီး ဗေဒင်ဆရာက ဒီလူ့ကို ငွေသမားလို့ မသိမသာ ထည့်လိုက်တာဗျ။ င၀ိုင်းသမားဆိုတဲ့သဘောပေါ့ဗျာ လို့လဲ လုပ်တတ်သေးတယ်။

              အဲဒီ့အကြောင်းတွေကို ဗေဒင်ဆရာကိုယ်တိုင်လဲ ဆံပင်ညှပ်သမားဆီက ပြန်ကြားရပါတယ်။ အကွက်ပေါ်လာမှန်းသိတော့ သူကလဲ နောက်ပိုင်း မသိစိတ်နဲ့ ဆွဲနေတာမျိုးမဟုတ်တော့ပဲ သိထားသမျှ ဖေါက်သယ်တွေနဲ့ ကိုက်မယ်ထင်တာလေးတွေ သေသေချာချာဆွဲပေးတာမျိုးဖြစ်လာတယ်။စက်ဝိုင်း၊ လေးထောင့်၊ တခါတရံ ပြောရခက်သည့် ခပ်ဆန်းဆန်း ပုံလေးများ။ မေးတဲ့သူတွေကလဲ သူ့ဟောပြီးတာနဲ့ ချက်ချင်း ဆံပင်ညှပ်ဆိုင်ဖက်ကူး၊ ဟိုဆရာကလဲ သူထင်တာရယ် သိတာရယ် ပေါင်းပြီးသရုပ်ခွဲ၊ တဖြည်းဖြည်းနဲ့ ဇာတ်ရှိန်တက်လာပါတယ်။ ဗေဒင်ဆရာအတွက် တဖန်ပြန်အဆင်ပြေလာသလို ဆံပင်ညှပ်သမားလဲ ဒီဇာတ်လမ်းမှာ သိပ်အရေးပါတဲ့နေရာမှာဆိုတော့ သဘောခွေ့နေတယ်။


ကျွန်တော်..

              ကျွန်တော်က အဲဒီ့ဆံပင်ညှပ်ဆရာရဲ့ ပုံမှန်ဖေါက်သယ်ထဲက တယောက်။ သွားညှပ်တိုင်း ဗေဒင်မေးပြီးပြီလား သူက မေးလေ့ရှိတယ်။ မမေးရသေးမှန်းသိတဲ့အခါ ဗေဒင်ဆရာတော်ကြောင်းကို တဖွဲ့တနွဲ့ပြောချင်ပြောတယ်၊ ဒါမှမဟုတ် သူ့ဟောတမ်းနဲ့ လူတွေ ဘယ်လို ပတ်သက်သက်နေပုံရှင်းပြချင်ပြမယ်၊ နောက်ဆုံး မှာတော့ မေးသင့်တဲ့အချက်အလက်တွေ တသီတတန်းကြီးပြောပြီး သွားမေးဖို့တိုက်တွန်းပါတော့တယ်။ စိတ်ညစ်လာလို့ တတ်နိုင်သလောက် မညှပ်ပဲနေ၊ တခြားနေရာရောက်မှ ညှပ်ဆိုတော့လဲ အမြဲရှောင်နေလို့ရတာမဟုတ်။ သူညှပ်တဲ့ ဆံပင်ပုံမဟုတ်မှန်း သိသာနေတော့ တဖက်ကလဲ မျက်နှာပူရနဲ့ အတော့်ကိုခက်နေတာပဲ။

             တကယ်တော့ ကျွန်တော်လဲ လူတယောက်ပါပဲ။ ကတ်မုန့်တလုံးလို အတွင်းက မုန့်သားပေါ်မှာ ဖွယ်ဖွယ်ရာရာ ပြင်ဆင်မွန်းမံထားတဲ့ topping အပြည့်နဲ့။ တတ်နိုင်ရင် တတ်နိုင်သလောက် ပြင်ဆင်ထားတဲ့ အပေါ်ယံကို လူတွေကြည့်ပြီး တိုက်ရိုက်ဖြစ်စေ၊ တဆင့်နားနှင့်ဖြစ်စေ ကိုယ့်ကို ဘယ်လိုမြင်တယ်ဆိုတာကို ပြန်ကြားချင်တာပေါ့။ သို့ပေမဲ့ကိုယ့်ကိုယ်တိုင်တောင် မသေချာလှတဲ့ အတွင်းပိုင်းကို ထင်သလိုမြင်သလိုမျိုး ပြောတာကိုတော့ သိပ်သဘောမတွေ့လှ။ သေချာသိနိုင်သူက ပြောပြမယ်ဆိုရင်လဲ သိပ်မစွန့်စားလို၊ သေချာ မသိချင်ခဲ့။ အားနည်းချက်ဆိုသည်မှာ တစွန်းတစသိပြီးနောက်မှာ ပြန်လည်မြိုချလို့လွယ်ကူလှသည်မဟုတ်။

                ကျောင်းတက်စဉ် သူငယ်ချင်းတယောက်နဲ့ နောက်ဆုံးတန်းမှာ အတူထိုင်လေ့ရှိသည်။ ထိုစဉ်က ကျောက်သင်ပုန်းပေါ်က ဆရာတွေရဲ့ လက်ရေးတိုင်းလိုလို အတော်သော့သည်ထင်ခဲ့သည်။ အမြဲတမ်း ဘေးက သူငယ်ချင်းကို ဒီနေရာမှာ ရေးထားတာ ဘာလဲ မေးချင်မေး.. သို့မဟုတ် သူရေးထားတာကို တဆင့်ပြန်ကူး။

                 တနေ့ အတော်လေး မှန်းရခက်တဲ့စာ သူငယ်ချင်းကိုမေးတော့ သူက ဖြတ်ကနဲ တချက်ကြည့်ကာ ဘာလဲဆိုတာ ရေရေရာရာဖြေသည်။ အဲဒီ့မှာ စိတ်ထဲဇဝေဇ၀ါဖြစ်လာပြီး မင်း သေသေချာချာမြင်ရလားဆိုတော့ သူငယ်ချင်းက အေးလေတဲ့.။ ဒီ့နောက် ကျွန်တော်စကားဆက်မဆိုတော့။ နောက် အတန်းပြီး အားလုံးအခန်းထဲက ထွက်သွားသည်အထိ စောင့်နေပြီး တယောက်ထဲ ခုံတန်း တတန်းချင်း ရှေ့ကိုတိုးသွားသည်။ အခန်းအလယ်လောက်အရောက်မှာတော့ သင်ပုန်းပေါ်က စာတွေကို ပီပီပြင်ပြင်မြင်စပြုလာသည်။ အရင်က သော့သည့်ထင်သော လက်ရေးများ၊ အခုတော့ ပီပီသသ၊ ရှင်းရှင်းလင်းလင်း။

                ငါမျက်စိမှန်ပြီပဲလို့ သေချာသိရတဲ့နောက်၊ ကိုယ့်ရဲ့ အားနည်းချက်တခုကို သိရတဲ့နောက်မှာ ပိုပြီးထိခိုက်စေတဲ့ စကားတခွန်း ထပ်ကြားခဲ့ရသည်။ မျက်စိဆရာဝန်ထံမှ။ အဝေးမှုန်ဆိုတော့ တသက်လုံး မျက်မှန်တပ်နေရတော့မယ်တဲ့။ တဖြေးဖြေး ပါဝါတက်လာဖို့ပဲ ရှိတော့တယ်၊ အကယ်၍ ပါဝါနဲ (နည်း ) လာပြီဆို သတိထားတဲ့၊ သေခါနီးလာလို့ဆိုပဲ။ ကျနေသောစိတ်ဓါတ် ဟိုးအဆုံးစွန်အထိ။ ဒါဟာ တကယ်တော့ အားနည်းချက်ဆိုသော်လည်း ပြင်ပ၊ သာမန်၊ အသေးအဖွဲ တခုမျှသာ။ စိတ်နှင့် ပတ်သက်သော အားနည်းချက်ကတော့ ရင်ဆိုင်ရန် လွယ်ကူမည်မဟုတ်။

                 လက်လျှော့လွယ်သူသည် အသေးအဖွဲလေးကအစ လက်လျှော့ဖို့အဆင်သင့်။ သူ့ကိုမသိသောပတ်ဝန်းကျင်မှာ အထိုက်အလျှောက်ကြိုးစားကြည့်လိမ့်မည်ဖြစ်ပေမဲ့ လူပျော့လို့သတ်မှတ်ထားသောပတ်ဝန်းကျင်မှာတော့ သက်တောင့်သက်သာ လက်လျှော့ပစ်လိုက်ဖို့ သူ့အတွက် အခွင့်သင့်နေသည်။ ဆန့်ကျင်ဖက်တွန်းအားတခု ပေါ်ဖို့ အတော်ခက်နေလိမ့်မည်။

                ကျွန်တော့အမြင် လူတယောက်မှာ ကိုယ်ပိုင်အရည်အသွေးကိုမူတည်ပြီးတွက်ရင် အစွမ်းအစဟာ ရလဒ်လို့ထားနိုင်သလို အားနည်းချက်ဟာ အကြွင်းတခု။ မိမိ အားနည်းချက်ကို သိထားတာကောင်းတယ်လို့ဆိုပေမဲ့ အားသာချက်ကိုသာ ပိုပြီး အလေးပေးချင်သည်။ ရဲတိုက် ထိုင်ဆောက်နေခြင်းထက် လုံသည်ဆိုရုံလေးကာကာ တတ်နိုင်သလောက်ရှေ့ဆက်ချင်သည်။ ဒီအခြေအနေမျိုးမှာ ကျွန်တော်သည် သူတို့ ၂ယောက်ရှေ့မှာ တကယ်အမှန်အကန် သိသည်ဖြစ်စေ၊ အပေါ်ယံသက်သက်ဖြစ်စေ ချပြနိုင်ဖို့မရဲ။ သူတို့သည် အားနည်းချက်ကို ပိုပြီးထင်ထင်ရှားရှား မြင်သာသော မျက်လုံးများနှင့် လူများ။

              

နံရံကို ပထမဆုံးဖေါက်ထွက်ဖို့ ကြိုးစားသူအတွက် သွေးအလိမ်းလိမ်းဖြစ်နေမည်မှာမလွဲ။ တကယ်တော့ မမေးပဲနေခဲ့သော်လည်း သူတို့နှစ်ဦးရဲ့အတွေးမှာ တခုခု သတ်မှတ်ပြီးဖြစ်နေလောက်ပြီ။ အနားညီ တြိဂံပုံသည် တထောင့် ၆၀ ဒီဂရီရှိသောကြောင့် ကျွန်တော်သည် ယောင် ၆၀၊ ဆဌဂံဆိုလဲ အတူတူ၊ နောက်ဆုံး စက်ဝိုင်းတခုဆိုလျှင်တောင်မှ လုံးလည်ချာလည်လိုက်နေသူ၊ ဒီလိုပဲဖြစ်နေလိမ့်မည်။ မေးလျှင်ပြောမည်၊ မမေးလျှင် သတင်းလွှင့်မည်။

သို့နှင့် တနေ့…


              တိတ်ဆိတ်နေသောအခန်းတခု။ ကျွန်တော်ရယ်၊ ဗေဒင်ဆရာရယ် ၊ ဆံပင်ညှပ်သမားရယ်၊ တခဏတာ သုံးဦးသား ငြိမ်ငြိမ်သက်သက်..

                ဗေဒင်ဆရာ ပင့်သက်တခု ခပ်ဖွဖွချပြီး စကားစပြောသည်။ မရှေးမနှောင်းသူ့လက်မှကိုင်ထားတဲ့ ဘောပင်နဲ့ တစုံတခု စဆွဲသည်။ ဘောပင်စဆွဲရာနေရာသို့ တဖန်ပြန်ရောက်လာလျှင် ပုံစံတခုပေါ်လာမည်။ စက်ဝိုင်းလည်းဖြစ်နိုင်သလို လေးထောင့်လဲဖြစ်နေနိုင်သည်။ အဲဒီ့အခိုက်အတန့်နောက်မှာတော့ ကျွန်တော်ဟာ တစတစ ပျောက်ကွယ် သွားပါတော့မည်။

                 အားနည်းချက်တို့ကို ထင်းနေအောင် ပြရင်း တရွေ့ရွေ့သွားနေသော လူတစုအကြားတနေရာမှာ ပြန်ပေါ်လာမည်လား၊ သူတို့မမြင်သာသော နံရံတခြားတနေရာမှာလားတော့ မသိနိုင်သေး…


မှတ်စု..

“ Its just money; its made up. Pieces of paper with pictures on it so we don't have to kill each other just to get something to eat. ”
Margin Call

သည်ည ကဗျာရေးပါဦး

အနုပညာရှင်တယောက်..

သူသိပ်မြတ်နိုးခဲ့တဲ့ သူ့ရဲ့ဖန်တီးမှူ့တွေထဲကတခုအတွက်..

အပြင်လူတယောက်အတွက်တော့ သူ့ရင်ထဲက ခံစားချက်တွေကို မှန်းရခက်ပေမဲ့..

အသံအဖြစ်ပြောင်းလဲသွားခဲ့တဲ့စကားလုံးတွေထက်..

အသံအဖြစ် မပြောင်းလဲပဲတည်နေခဲ့တဲ့ မျက်နှာပေါ်က အရိပ်တွေဟာ..

ပိုမြင်သာပါလိမ့်မယ်။

ဈေးပွဲတော် ၃

ဒါကတော့ အာဖရိက ဈေးရုံလေးပါပဲ။

အ၀င်ဝမှာ တစ်ယောက်က အရုပ်တခု လုပ်ပြနေတယ်။ အောက်က အတိုအစပုံ ကိုကြည့်ရတာ အတော်ပြီးနေပြီးသားကိုမှ အချောသပ်နေတာဖြစ်ပုံရပါတယ်။

အထဲမှာတော့ များသောအားဖြင့် အရုပ်တွေ။ ( ဒီလူက ရုပ်ရှင်မင်းသားတယောက်နဲ့ တူတယ်ထင်တယ် )

အစွယ်တွေ ထင်လိုက်မိသေးတယ်။ နောက်မှ ဒီလိုထားတဲ့ပုံထောက်တော့ အစွယ်အစစ် မဟုတ်လောက်ပါဘူးလေ ဆိုတဲ့ အတွေးဝင်လာမိတယ်။ အဲ့ဒီ့အတွေးနဲ့တင် ကျေနပ်ပြီး စေ့စေ့စပ်စပ် မကြည့်ခဲ့တော့ဘူး။

နောက်တနေရာက ယီမန်..
အထဲမှာ ဟင်းခပ်အမွှေးအကြိုင်တွေ အားရပါးရ ရောင်းနေတာ တွေ့ပါတယ်။ သူတို့ ရိုးရာဝတ်စုံကိုက ကျွတ်ဆင်ကြီး၊ ခါးကြားမြှ ဓါးကောက်ထိုးလျှက် …

ပျားရည်တွေ့လို့ စပ်စုမိပါတယ်။ အတော်ဈေးချိုတာပဲ။ ပျားရိုင်းတွေဆီက ရတယ်ဆိုပါတယ်။ အရသာ မြည်းလို့လဲရတယ်။ ၇၀ မီလီမီတာလောက် ဘူးဝိုင်း ( အဖုံးပါ အပါအ၀င် ၈၀ မီလီမီတာခန့်အမြင့် ) တဗူးအပြည့်မှ ၂၀ တဲ့ ( ဒေါ်လာ= ၂၀/ ၃.၆၈ )

နောက် ဗီယက်နမ်.. အ၀င်ပေါက်ဘေးမှာ သီးသန့် ရိုးရာ တူရိယာ ဖျော်ဖြေပွဲလေးနဲ့။ တယောလို သံရယ်၊ ၀ါးပတ္တလားသံရယ်၊ ပလွေရယ်သံရယ် ပေါင်းထားတဲ့ အသံလို့ပဲ ပြောပါတော့။

ကြည့်နေဆဲမှာ ကျွန်တော် မအီမသာဖြစ်လာတယ်၊ နောက် နေရထိုင်ရ ပိုခက်လာတယ်။ အသက်ကလေးက ရလာပြီလေ..။ ကြာရင် ပိုဆိုးလာမယ် သိလို့ ပြန်ဖို့ စိတ်ကူးရတော့တယ်။ နောက်ထပ်သွားဖြစ်မှပဲ ကျန်တဲ့ နိုင်ငံတွေက ဆိုင်တွေအကြောင်း အသေးစိတ်ထပ်ရေးပါ့မယ်။

ဂိတ်ကနေ အပြင်လှမ်းထွက်လိုက်တော့ စိတ်ထဲ မကောင်းဖြစ်သွားသေးတယ်။ ဂိတ်ကြေးတဆယ် ဒီမှာတင် ဆုံးသွားပြီလေ..

ဈေးပွဲတော် ၂

အဲဒီ့ ၃ နိုင်ငံနဲ့ဆိုင်ရာ ဈေးရုံလေးတွေ ထဲ ပတ်ပြီးတော့ ကျွန်တော် အလယ်က ကွင်းပြင်ဆီ လျှောက်လာခဲ့ပါတယ်။ ကွင်းအလယ်မှာ စဉ်လေးတခုရှိပြီး အဲဒီ့မှာ နိုင်ငံပေါင်းစုံက ယဉ်ကျေးမှူ့အဖွဲ့တွေ သူ့ရက်နဲ့ သူ၊ သူ့အချိန်နဲ့သူ အလှည့်ကျ ဖျော်ဖြေပေးလေ့ရှိပါတယ်။


စဉ်ရှေ့ရောက်ခိုက်မှာပဲ ကြေငြာသံပေါ်လာတာက အီကွေဒေါနိုင်ငံက အဖွဲ့တခုက သီချင်းရယ်၊ အကရယ်နဲ့ ဖျော်ဖြေပေးမှာဖြစ်ပြီး ငါးမိနစ်နေရင် စမယ်ဆိုပါတယ်။ ဒါနဲ့ ကျွန်တော်လဲ စောင့်နေတော့တာပေါ့။
စတော့ အတော်သဘောကျမိပါတယ်။ အဆိုရယ်၊ ဂစ်တာရယ်၊ ကီးဘုတ်ရယ်၊ Drum ရယ်၊ ပလွေတလက်ရယ် သွက်သွက် မြူးမြူးနဲ့၊ အမျိုးသမီးတယောက်ကလဲ သီချင်းနဲ့ အတူကတယ်။

ပုံထဲမှာ ခါးမှ ထိုးထားတဲ့ ပ၀ါ အနီလေးကို အစွန်းနှစ်ဖက်က ကိုင်ပြီး ဟိုဟိုဒီဒီပြေးကလိုက် ၊ ခါးကြားထိုး ကလိုက်နဲ့။ အဲ .. သီချင်းလဲ ဆုံးရော အဲဒီ့ပ၀ါ အနီလေးကို ကလေးလေးအလား ပွေ့ရင်းနဲ့.. ( သရုပ်ပေါ်မယ်ထင်တာပဲ.. )

နောက်တပုဒ်မှာ နောက်တယောက် ထွက်ကပါတယ်။ လှတပတလေး..

စပြီးကတဲ့အခါ အရင်တယောက်အတိုင်းပဲ ခက်သွက်သွက်၊ ဂါဝန်စ ကို ကိုင်ရင်း နဲ့ ကပါတယ်။ သီချင်းအလယ်လောက်ရောက်တော့ ခနထိုင်ပြီး ရေချိုး အလှပြင်တဲ့ ပုံ လုပ်ပါတယ်။ ( အရွယ်ရောက်လာပြီ သရုပ်ဖေါ်လေသလားပဲ ) အဲဒီ့နောက် ပြန်ထကတော့ အရင်လို မဟုတ်တော့ သိမ်သိမ် မွေ့မွေ့နဲ့ ( လက်ပုံစံက ဘဲလေးအကနဲ့ အတော်တူအောင် ) သီချင်းဆုံးတဲ့ အထိ ကသွားပါတယ်။

ဒီတယောက်ကို မျက်နှာလိုက်တဲ့အနေနဲ့ နောက်တပုံထပ်တင်လိုက်အုံးမယ်..

နောက်ဆုံး အပုဒ်မှာတော့ နှစ်ယောက် အတူ။ စစချင်း ရှေ့ကတယောက်ထိုင် ဂါဝန် အစကို ကိုင်ပြီးအပ်နဲ့ ချုပ်နေတဲ့ပုံ၊ သူ့နောက်က တယောက်ကထိုင်ပြီး နောက်ကျောဘက်ကနေ ချုပ်ပေးနေတဲ့ပုံ လုပ်နေတယ်။ နောက်တော့ နှစ်ယောက်လုံး အ၀တ်အစား တကိုင်ကိုင်နဲ့ ကတော့တာပဲ။ ( အ၀တ်အစားသစ်ရလို့ ၀မ်းသာတယ် ပြချင်တာထင်တယ် ) ဒီလို ဖြစ်တဲ့အထိ ကသွားပါတယ်..

တခုအံ့သြမိတာက လူလောက်လူအများကြီးကြားထဲ ဘယ်လိုလုပ် တွေ့အောင်ရှာနိုင်တယ် မသိ..

နောက်ဖွဲ့က ယီမန်အဖွဲ့.. ဗုံနဲ့ လူလေးယောက်က ဓါးတရမ်းရမ်းနဲ့ ကတယ်။ ဘယ်ရမလဲ လစ်တော့တာပေါ့..

ဒီစဉ်နဲ့ မလှမ်းမကမ်းမှာ ကွန်တိန်နာတွေချထားပြီး အပေါ်မှာ ဒီလိုအလုံးတခုတင်ထားတာ တွေ့ရပါတယ်။ ဒါနဲ့ သွားကြည့်တာ ဆိုင်ကယ် ငါးစီးလဲတွေ့တယ်ဆိုတော့ ( သေချာပါပြီ )ကျွန်တော်တို့ဆီက ဆပ်ကတွေထဲကလို ကမ္ဘာလုံးထဲ ဆိုင်ကယ်စီးမယ်ထင်တာပဲ။ မေးကြည့်တော့ စတော့မယ်တဲ့။ ဒါနဲ့ ဆိုင်ခန်းတွေဆီပြန်မသွားသေးပဲ စောင့်နေပါတယ်။
စတော့ လူလေးယောက် ဆိုင်ကယ် ၄ စီးနဲ့ ကွန်တိန်နာ အမိုးပေါ် တက်သွားတယ်။ ကျန်တဲ့တစီးကို အပေါ်တင်ပြီး ရပ်ထားတယ်။ နောက် မကြာပါဘူး တယောက်ပြီးတယောက် ကမ္ဘာလုံးထဲဝင်ပြီး စီးကြတာ ၄ ယောက်လုံး တပြိုက် စီးတဲ့အထိ ဖြစ်လာတယ်။ သိပ်မကျယ်လှတဲ့အထဲ ၄ ယောက် စီးကြတာဆိုတော့ ချိန်သားကိုက်ဖို့ အတော်လေ့ကျင့်ထားကြပုံပေါ်ပါတယ်။

၅ယောက်မြောက် နောက်ဆုံးတယောက်က အဲဒီ့အချိန်ရောက်မှ ကွန်တိန်နာထဲက ထွက်လာပြီး အပေါ်တက်လာတယ်။ အမျိုးသမီးဗျ။ ပြီးတော့ ၅ ယောက်လုံး တပြိုက်နက် စီးပြပြီး အထိအခိုက်မရှိ ပွဲပြီးသွားပါတယ်။
ဒီတော့မှ ကျွန်တော်လဲ ဆိုင်ခန်းတွေဆီ ပြန်လှည့်ဖြစ်တော့တယ်…

ဈေးပွဲတော်..

အခုအချိန် ဒူဘိုင်းမှာက ဈေးရောင်းပွဲတော်အချိန်၊ ခေါ်ကြတာကတော့ Dubai Shopping Festival ( DSF )၊ အချိန်အားဖြင့် တလ၊ ပုံမှာပါတဲ့အတိုင်းပါပဲ။

ရောင်းတဲ့သူတွေကလဲ နည်းမျိုးစုံပဲ လျှော့ရောင်းကြ၊ တွဲရောင်းကြနဲ့ မက်လောက်စရာအခင်းအကျင်း၊ ၀ယ်တဲ့သူတွေကလဲ အားရပါးရ၀ယ်နဲ့။ ကျွန်တော်ကတော့ ဘယ်ဖက်ကမှ မပါဘူး။


ဒီလိုပဲ ဒူဘိုင်းမြို့ပြင်တနေရာမှာ ( အနီးနားမှာ အိမ်ယာ စီမံချက်တွေရှိသော်လဲ မပြီးပြတ်သေးလို့ မြို့ပြင်လို့ပဲ ပြောနိုင်သေးပါတယ် ) Global Village ဆိုပြီး ဈေးပွဲတော် တခုကိုလဲ ကျင်းပနေပါတယ်။ သူကတော့ DSF ကို အခြေခံထားတယ်ဆိုပေမဲ့ အချိန်ပိုယူထာားပါတယ်။ နိုဝင်ဘာလ ၁ ရက်နေ့ကနေ မတ်လ ၃ ရက်နေ့အထိတဲ့။ ရောင်းပေတော့ပဲ။


ပြီးခဲ့တဲ့ သောကြာနေ့က ကျွန်တော် အဲဒီ့ကို သွားဖြစ်ခဲ့ပါတယ်။ အရင်နေ့တွေမှာ စိတ်ကူးထားတာက ကားမကျပ်ခင် စောစောသွားပြီး အဲဒီ့မှာ အေးအေးဆေးဆေးနေမယ်ပေါ့။ ပိတ်ရက် ထုံးစံအတိုင်း လူစည်နေလိမ့်မယ်၊ စောလေ ကောင်းလေပေါ့။ စဖွင့်တာက ၄ နာရီဆိုတော့ ၅ နာရီလောက် အိမ်ကထွက်ရင် အဆင်ပြေနိုင်မယ်ပေါ့။


သို့သော် ပိတ်ရက်တို့ထုံးစံအတိုင်း နေ့လည်စာ ၂ နာရီကျော်မှာစား၊ ပြီးတော့ စာအုပ်တအုပ်ဖတ်ရင်းနဲ့ မထင်ပဲ အိပ်ပျော်သွားရာက နိုးတော့ ၆ ခွဲနေပြီ။ အရင်လို အဆင်မပြေနိုင်တော့ဘူးဆိုတာသိပေမဲ့ ဒီလိုပိတ်ရက်တွေမှ လုပ်လေ့ရှိတဲ့ သူတို့အခေါ် Events & Shows ဆိုတဲ့ ဖျော်ဖြေပွဲလေးတွေ မက်တာကြောင့် ဇွတ်ထွက်လာဖြစ်ပါတယ်။ ရောက်တော့ ၇ နာရီခွဲ။
ထင်တဲ့အတိုင်းပဲ ရောက်တဲ့အချိန်မှာ ကားကျပ်တဲ့အပြင် ရဲတွေက လမ်းပိတ်ပြီး အဝေးဆုံးက ကားပါကင်တွေကို ဖြည့်နေတဲ့အချိန်။ ရပ်ရတဲ့နေရာနဲ့ ၀င်ပေါက်က အတော့ကိုလှမ်းသေးတာ တွေ့ရပါတယ်။ တကယ်တမ်းတော့ ၂ ဦးနှစ်ဖက် အကျိုးရှိတယ် ပြောရမှာပဲ။


ကျွန်တော့်တို့ဖက်ကတော့ လမ်းလျှောက်ရတာပေါ့ဗျာ.. လျှောက်ပေတော့ တမျှော်တခေါ်၊ သူတို့ဖက်ကတော့ အောက်ကပုံလို ( ဆိုက်ကားပဲ ပြောပါတော့ ) စီးစရာယာဉ်လေးတွေစီစဉ်ထားတယ်။ စီးချင်ရင် ပိုက်ဆံပေးလေ၊ သက်သက်သာသာရောက်စေရမယ်ပေါ့။

သို့နှင့်ပေါ့ဗျာ.. အတော်လျှောက်လိုက်တော့ ဂိတ်ရောက်ပါလေရော။ လက်မှတ်ဝယ်ရပါတယ်။ ၀င်ကြေး ၁၀ ( ဒေါ်လာ= ၁၀/၃.၆၈ )။ လူတွေစည်လွန်းတော့ ၀င်ကြေးကိုက အတော်ရမှာ။ အထဲမှာတော့ ( ဈေးရောင်းပွဲတော်ဆိုတော့ ) ဈေးရုံလေးတွေလို့ပဲ ခေါ်ပါတော့၊ သူ့နိုင်ငံနဲ့သူ ရုံလေးတွေဖွဲ့ထားပါတယ်။ ကျွန်တော်ဝင်လာခဲ့တဲ့ ဂိတ်နဲ့ အနီးဆုံးက အီရန်။

အ၀င်ဝနားက အရုပ်တွေထဲက ဒီအရုပ်ကိုသဘောအကျဆုံးပဲ။ ကာကွယ်နေတာလိုလို.. ရွယ်ပဲနေတာလိုလို..

အထဲမှာ အဓိက ရောင်းနေတာကတော့ ကော်ဇောဆိုင်တွေများပါတယ်။ အထင်ကရကိုး..

နောက် ပါကစ္စတန်။ လောကကြီးကို လှနေစေချင်သူတို့သည် ပါကီ အမျိုးသားများဖြစ်ကြသည်လို့ အဆိုရှိတယ်မဟုတ်လား။ အလှဆင်ပစ္စည်းလေးတွေ ဘုစုခရု အကုန်ဆွဲထားတာပဲ။ ရွှေခြည် ငွေခြည်၊ ၀ါး စုံနေတာပဲ။

နောက်တခုကတော့ နာမည်ကြီး ချိုင်းနား..

အထဲမှာ အစစ်တွေပဲရောင်းပါတယ်။ အကုန်လုံး တရုတ်နိုင်ငံတွင်ထုတ်လုပ်သည်ဆိုတဲ့ အာမခံစာတမ်းလေးတွေနှင့်။ အရင်နှစ်ခုလို သီးသန့်ရောင်းတာရယ်လို့မရှိ၊ ပစ္စည်းမျိုးစုံ။ ဒီအရုပ်ဆိုင်လေးတောင်၊ နာမည်ကြီးဇာတ်ကောင် အကုန်စုံအောင် ထည့်ထားနိုင်ပါတယ်။ ဈေးမျိုးစုံနဲ့..

ဆက်ရန်..