အိုအေစစ်

ရှေးစကားရိုးရိူးလေး တခွန်းရှိပါသည်။ “ ရောက်တဲ့နေရာမှာ ပျော်အောင်နေ၊ တွေ့တဲ့သူနဲ့ တည့်အောင်ပေါင်း” တဲ့...

 *****     *****     *****

အချိန်ဆိုတာ စိတ်အခြေအနေပေါ်မူတည်ပြီး ကုန်သွားတာ မြန်တယ်ထင်လိုက်၊ နှေးတယ်ထင်လိုက်နှင့် တလှည့်စီခံစားရပါသည်။ အဆိုးဆုံးကတော့ ပိတ်ရက်တွေမှာ၊ ကုန်သွားတာ မြန်လွန်းတယ်ထင်ရပါတယ်။ ကုန်လွယ်ထင်တာစတာကတော့ ပိတ်ရက်မစခင် ညကစပါတယ်။ နောက်ရက်က ပိတ်ရက်၊ ဒီတော့ ညနက်တဲ့အထိ မအိပ်၊ နောက်မနက်ရောက်တော့ ညဥ့်နက်ထားတာရယ်၊ နှပ်ချင်တာရယ်နဲ့ အစောဆုံးထဖြစ်ရင် ၁၀နာရီထိုး။ ထိုမနက်က ပဲအီကြာလုပ်စားကြပါသည်။

ပြီးတော့ အိုအေစစ်တွေဆီသွားကြသည်။ ကန္တာရဒေသမှာနေပြီး အိုအေစစ်တွေဆီကို မရောက်ဖူးလို့ မဖြစ်။ ဒီတော့ Al Ain ကအိုအေစစ်တွေဆီ သွားဖို့ပြင်သည်။ ကျွန်တော်နေသော နေရာမှ ၁ နာရီကျော်ကျော် သွားရပါသည်။ အိုအေစစ်တွေနဲ့ပတ်သက်လို့ အရင်က စာတွေဖတ်ကာ စိတ်ထဲမှာ ပုံဖေါ်မြင်ယောင်မိသည်က လူတယောက် သဲကန္တာရထဲ မျက်စိလည်၊ တရွတ်တွဲဖြစ်ဖြစ်၊ လေးဖက်ထောက်ဖြစ်ဖြစ် သဲတောင်ကုန်းတခုရဲ့ထိပ်ကိုရောက်၊ အောက်မှာက ကြည်ပြီး လှပနေတဲ့ စွန်ပလွန်ပင်တွေစည်ရီပေါက်နေတဲ့ ချိုင့်လေးရဲ့အလယ်က စိမ်းကြည်နေတဲ့ ရေကန်လေးတွေ့လိုက်ရသည် ဆိုတာမျိုး။

မသွားခင် အကျင့်အတိုင်း ဂူဂယ်ကြည့်သည်။ ဓါတ်ပုံ သိပ်များများမတွေ့ရ၊ တွေ့သောပုံထဲတွေမှာလဲ ရေအိုင်မပါ။ သို့သော် ပုံတပုံမှာတော့ တွေ့ရသည်။ စိတ်ကူးထဲကအတိုင်း၊ သဲတောင်ကုန်းလေးတွေရဲ့အလယ်မှာ သိပ်လှပါသည်။ သို့သော် ဘယ်နေရာ ဘယ်လိုသွားဆိုတာ လမ်းညွှန်မပါ။ အဆိုးဆုံးက ကိုယ်ဘာသာရှာကြည့်နိုင်ရန် နေရာအမည်တောင်မပါ။ ဟိုတယ်များလားလဲမသိ။

 နောက်တဆင့်၊ သွားမည့်နေရာတွေကို မြေပုံကြည့်ကာ ဘယ်လိုမောင်းရမလဲ ရှာသည်။ သွားချင်တာ နှစ်နေရာ၊ ဘယ်လမ်းမှ ဘယ်လိုသွားရမည်ကို သေသေချာချာမှတ်ပါသည်။ ထိုသို့ရှာနေရင်း မနီးမဝေးနေရာမှာ ရေကန်ပုံစံမျိုး နေရာတနေရာတွေ့ရသည်။ သို့သော် ထိုသို့ Satellite ဓါတ်ပုံများကား ရာနှုန်းပြည့်မယုံရ၊ ဘယ်တုန်းက ရိုက်ထားမှန်းမသိနှိုင်၊ မိမိသိထားသော နေရာတခုတောင် နောက်ဆုံးအခြေအနေရဲ့ပုံမဟုတ်လာသေး။ အချို့ အဆောက်အဦအသစ်တွေ ပေါ်မလာသေး။ နောက်တချက်ကတော့ ကြည့်ရတာသဲတွေအလယ်မှာရှိနေသည်။လမ်းမပေါက်သေး။

သဲတွေပေါ် ကားမောင်းခွင့် မိမိမှာမရှိသေး၊ နောက် မောင်းနည်းသင်တန်း ( ၁ရက်တက်ရပါသည် ) မတက်ရသေး၊ မောင်းလဲ မမောင်းဖူးသေး။ နောက်သဲထဲမောင်းမယ်ဆိုရင် လမ်းပေါ်ကဆင်း၊ သဲထဲရောက်သည်နှင့် ကားဘီးတွေ လေလျှော့ပြစ်ရသည်။ သို့မှသာ သဲထဲမနှစ်မှာ။ ပြီးတော့ လမ်းပေါ်ပြန်တက်တော့ လေပြန်ထိုးဖို့ Compressor kit မိမိမှာမရှိ။ သို့သော် တနေ့တော့ မရောက်ရောက်အော် သွားမည်ဟု တေးထားပါသည်။ ထိုနေရာသို့ ဆာဖာရီထွက်သော အေးဂျင့်များရှာရင် အဆင်ပြေမည်ထင်ပါသည်။ သို့နှင့် အခုတခါတော့ သွားလို့ရနိုင်သော အိုအေစစ်များကိုသာ ရွေးဖြစ်ပါသည်။

ထိုအိုအေစစ်များကား Hili  နှင့် Al Ain အိုအေစစ်တို့ပင်။ ကားနှင့်ဝင်ရပါသည်။ အထဲက လမ်းတွေက ၀င်္ကဘာထဲရောက်သွားသလိုလို။ လမ်းဆုံ၊ လမ်းခွဲတွေအများကြီး၊ ပုံစံတူတွေ။ မျက်စိလည်နိုင်သောကြောင့်လဲ အ၀င်မှာ ဂိတ်ထားပြီး ညနေ ၆နာရီကျော်လျှင်မ၀င်ရ။ ကားတစီးဝင်သွားလျှင် နောက်မှ လုံခြုံရေးက အိုအေစစ်အတွင်းသုံးသော ဂေါက်ကွင်းတွေမှာ သုံးသည့်ကားပုံမျိုးလေးနှင့် လိုက်လာတတ်သည်။ လွတ်လွတ်လပ်လပ်တော့ နေခွင့် ကြည့်ခွင့်ရှိသည်။ လိုက်လံစောင့်ရှောက်ရုံမျှသာ။ သွားချင်ရသွား၊ နားချင်သလောက်နား အေးအေးဆေးဆေးစောင့်ပေးသည်။ မသိတာမေးလို့ရသည်။ ကျေးဇူးတင်မိပါသည်။

အထဲမှာ ၀င်းနှင့် ခြံကလေးတွေအများကြီး။ များသောအားဖြင့် သော့ခတ်မထား၊ ၀င်ချင်သည့်ခြံအတွင်း လွတ်လွတ်လပ်လပ်ဝင်ကြည့်နိုင်သည်။ စွန်ပလွန်ပင် အပင်အမြင့်ကြီးတွေရော ၊ အပင်အသေးလေးတွေကော အုပ်အုပ်ဆိုင်းဆိုင်းအောက်မှာ ကြည်လင်နေသောရေစီးနေသည့် မြောင်းလေးတွေရှိသည်။ မြောင်းတိုင်းတော့ ရေစီးမနေ၊ မြေပြင်ပေါ် ရေစီးစေသည့် မြောင်းအဆုံးသပ်ရှိသည့် အပိုင်းများကိုတော့ သဲအိပ်များနှင့် ပိတ်ထားသည်။ ခြံဝင်းတိုင်းမှာ သူ့ပိုင်ရှင်နှင့်သူရှိပုံရသည်။ လူနေသော အရိပ်အယောင်တော့ မတွေ့။

တကယ်တမ်းဆိုရင်တော့ အေးချမ်းသောနေရာတခု၊ သို့သော် ကြိုတင်ပြီး မျှော်လင့်ထားသည့် ပုံမျိုးမဟုတ်ခဲ့၍ စိတ်ထဲမှာ ရောက်ဖြစ်သည့် ခရီးအပေါ်နှင့် ရာနှုန်းပြည့် နှစ်သိမ့် ပျော်ရွှင်မှု့မရခဲ့။  အိုအေစစ်ရောက်ပြီး စိတ်ထဲမှာ အေးချမ်းပျော်ရွှင်မှု့ဟူသော အိုအေစစ်ရှာမတွေ့ခဲ့။ ဟိုဟိုဒီဒီသွားကာ ညမှောင်လာတော့ အိမ်ပြန်ခဲ့ပါသည်။ သို့နှင့် အားလပ်ရက် တရက်ကုန်ဆုံးခဲ့ပါသည်။

နောက်ရက်မှာ အုန်းနို့ခေါက်ဆွဲနှင့် ဗူးသီးကြော်လုပ်စားကြပါသည်။ နောက်ညနေပိုင်းမှာ သားငယ်ကို ပင်လယ်ကမ်းခြေလိုက်ပို့ပေးပါသည်။ သဲထဲ ပျော်ရွှင်စွာဆော့ကစားနေသော သားငယ်ကိုကြည့်နေမိသည်။ သူကားပင်လယ်ရေနှင့် အထာမကျသေး။ မျက်နှာစင်လျှင် သုတ်၊ သို့နှင့်ရေစိုနေသောလက်ကတဆင့် ပါးစပ်ထဲရောက်လာသော ပင်လယ်ရေအရသာကို သူခံစားလို့မရ၊ ရေစိုလို့သုတ်လေ၊ ငန်လေဖြစ်နေတာကို သူမကြိုက်။ သို့နှင့် ရေထဲဆင်းခိုင်းလို့မရ။ သဲထဲဆော့ရင်း သဲတွင်းလေးထဲ ရေပုံးလေးနှင့် ရေလောင်းဖို့ ကမ်းစပ်ကို သတိထားပြီးသွားကာခပ်သည်။ ရေလှိုင်းလာရင် ပြန်လှည့်ပြေးလာသည်။ သူ့ကိုကြည့်ရင်း ရီကာ ကျွန်တော်တို့ ပျော်လာသည်။

ဒီလိုပဲ အတက်အကျတွေနဲ့ ဘ၀အမောတွေ အပျော်စိတ်တွေအကြားမှာ စိတ်ကြည်နူးစေသော စိတ်ရဲ့အိုအေစစ်လေးတွေကိုတော့ အမှတ်မထင် မကြာခဏကြုံတွေ ပိုင်ဆိုင်ခွင့်ရလေ့ရှိပါသည်။ တချို့သောအိုအေစစ်တွေက တွေ့ရန်၊ ရရန် ကိုယ့်ဖက်ကလဲ ဖြည့်ဆည်းပေးဖို့လိုနေသေးသည်။ တချို့ကတော့ လက်ရှိအနေအထားနဲ့ လက်တကမ်းမှာ။ ဒါ့ကြောင့်လဲ နောက်နောင်တော့ ဘယ်လို စိတ်ရဲ့အိုအေစစ်လေးတွေပဲ ရပါစေ ကျေနပ်စွာ ပြည့်ပြည့်၀၀ ငြိမ်းအေးပျော်ရွှင်နိုင်ဖို့ ကျွန်တော့်ကို ကျွန်တော်ပြုပြင်ယူရအုံးမည်။

အိုအေစစ် ပုံ၂ ပုံအား ဒီကယူပါသည်။ http://geekiest.net/beautifulmails/post/Oasis-in-Al-Ain-(UAE).aspx